Фэйсфітнэс і ніткі для падцяжкі твару не працуюць — пластычны хірург тлумачыць чаму
Часам папулярныя працэдуры могуць мець адваротны эфект.
Ці працуе фэйсфітнэс
Пластычны хірург Ігар Мішута кажа, што фэйсфітнэс працуе ў адмоўны бок: спрыяе з'яўленню новых маршчын.
«Мімічныя мышцы не трэба трэніраваць, яны вельмі тоненькія і ўвесь час працуюць, калі мы смяёмся, размаўляем. Наадварот, часам іх актыўнасць абмяжоўваюць з дапамогай батулінатэрапіі. Мімічная мышца адным канцом заўсёды ўплятаецца ў скуру: чым больш робім практыкаванняў, тым больш скарачаем скуру і атрымліваем новыя маршчыны», — кажа ён у інтэрв'ю sb.by.
Ніткі для падцяжкі эфектыўныя?
Не. Пластычны хірург тлумачыць: для таго каб нітка працавала, яна павінна быць жорстка зафіксавана.
«Напрыклад, калі мы робім хірургічны ліфтінг, швы фіксуем да нерухомых звязак, якія не мяняюцца з цягам жыцця. А нітка, як правіла, гэта структура, якая знаходзіцца ў падскурна-тлушчавай клятчатцы. І жорсткай фіксацыі ў яе няма. Таму вынік падабаецца ўсім два тыдні, пакуль трымаецца ацёк. А потым большасць пацыентаў адзначаюць, што ніякага эфекту няма».
Ніткі можна разглядаць як армаванне твару. Напрыклад, калі зрабілі ультрагукавы SMAS-ліфтынг і праз пэўны час паставілі ніткі, каб яны ўтварылі сетку, якая пару гадоў падтрымлівае тканкі.
Самая папулярная і эфектыўная аперацыя па амаладжэнні
Самая папулярная аперацыя, па словах Ігара Мішуты, — гэта эндаскапічны ліфтынг (з мінімальнымі разрэзамі валасістай часткі галавы). Тканкі, якія апусціліся, падымаюць туды, куды неабходна.
«Гэта вельмі папулярная аперацыя ў пацыентаў, выконваю яе як мінімум 3-4 разы на тыдзень. Але калі бачым значныя лішкі скуры твару і шыі, такое ўмяшанне не падыдзе: гэта паказчык, што трэба працаваць больш шырока, ужыўшы кругавую падцяжку твару», — адзначае хірург.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары