Кефірны прадукт з бактэрыяй даўгалецця хутка з'явіцца ў магазінах Беларусі
Беларускія навукоўцы рыхтуюцца запусціць у продаж «эліксір даўгалецця» — новы кефірны прадукт, створаны на аснове даследаванняў генатыпу і мікрабіёму беларускіх доўгажыхароў.
Намеснік дырэктара па навуковай рабоце Інстытута генетыкі і цыталогіі Нацыянальнай акадэміі навук Беларусі Павел Марозік расказаў БелТА, што кефірны прадукт з бактэрыяй даўгалецця акермансіяй з'явіцца ў магазінах Беларусі.
Ён заявіў, што навукоўцы Інстытута генетыкі і цыталогіі НАН Беларусі выявілі ў беларусаў, якія жывуць вельмі доўга, асаблівую бактэрыю — акермансію. Яна здольная абнаўляць сценкі кішэчніка і змагацца з запаленнямі, што значна зніжае рызыку розных захворванняў.
«Мы праводзілі даследаванне беларускіх доўгажыхароў. Мала таго што выявілі ў іх шэраг генаў, якія ўдзельнічаюць у абмене бялкоў, тлушчаў і вугляводаў, асацыяваныя з устойлівасцю да стрэсаў, але і правялі аналіз мікрабіёма. У выніку чаго выявілі бактэрыю, якая абнаўляе сценкі кішэчніка і такім чынам змагаецца з запаленнем. Дзякуючы ёй зніжаецца рызыка захворванняў, што таксама падаўжае гады», — сказаў Марозік.
Каб гэтая бактэрыя дапамагла кожнаму, навукоўцы распрацавалі з ёю кефірны прадукт. Гэта, па іх задуме, дазволіць «падсяліць» карысныя мікраарганізмы ў арганізм праз звычайную ежу.
Распрацоўка ўжо знаходзіцца на фінальным этапе. Навуковец кажа, што зусім хутка «кефір даўгалецця» з’явіцца на паліцах беларускіх крам і будзе даступны для ўсіх жадаючых.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
Колькі маслы шавеляцца, столькі й годзе...
Нават тыя, што вышэй за неба, якія думаюць, што яны ў чакаляце, не разумеюць, што жывуць у нянавісьці, ва ўласнай, і з боку, дык нахалеру яно ім тут доўгае ?... Ат.
Мо гадоў так цераз 10 тыс. нешта зьменіцца ў лепшы бок, вось тады ўжо можна будзе піць той кефір, а покі што зарана... Дарэмна стараліся.