Пашырылі пералік мерапрыемстваў у аграсядзібах, на якіх забаронена выкарыстоўваць гукаўзмацняльнікі
Міністэрства аховы здароўя Беларусі пашырыла пералік мерапрыемстваў у аграэкасядзібах, падчас якіх забаронена выкарыстоўваць гукаўзмацняльную апаратуру. Змены ўнесеныя ў санітарна-эпідэміялагічныя патрабаванні да ўтрымання і эксплуатацыі аграэкасядзібаў.
Цяпер забарона распаўсюджваецца не толькі на прэзентацыі, юбілеі, банкеты, спартыўна-масавыя, фізкультурна-аздараўленчыя і культурныя мерапрыемствы, але і на шэраг іншых імпрэзаў.
У прыватнасці, гаворка ідзе пра каляндарна-абрадавыя святы, накіраваныя на папулярызацыю нематэрыяльных культурных каштоўнасцяў і фальклору, тэматычныя сустрэчы і вечары беларускай культуры, гастранамічныя мерапрыемствы з мясцовымі асаблівасцямі, а таксама сямейныя ўрачыстасці з захаваннем народных звычаяў і традыцый.
Пры правядзенні такіх мерапрыемстваў забаронена карыстацца ўключанай гукаўзнаўляльнай і гукаўзмацняльнай апаратурай пры адчыненых вокнах і дзвярах. Таксама ўзмацняльнікі нельга выстаўляць у адчыненыя вокны, на падаконнікі і дзверы, на балконы, лоджыі, тэрасы ды іншыя адкрытыя пляцоўкі будынкаў і збудаванняў або на тэрыторыі аграэкасядзібаў. Акрамя таго, забаронена размяшчаць такую апаратуру на вонкавых паверхнях сцен будынкаў і збудаванняў.
Новыя абмежаванні з'явіліся на фоне больш шырокіх спробаў улады рэгуляваць правядзенне шумных і масавых мерапрыемстваў на прыватных тэрыторыях. У чэрвені гэтага года на грамадскае абмеркаванне вынеслі праект указа Аляксандра Лукашэнкі аб удасканаленні дзейнасці садаводчых таварыстваў. Праект прадугледжваў забарону аказання паслуг, звязаных з арганізацыяй забаў і адпачынку, а таксама правядзеннем культурна-відовішчных і спартыўна-масавых мерапрыемстваў.
У Міністэрстве эканомікі неабходнасць такіх абмежаванняў тлумачылі шматлікімі скаргамі на масавыя імпрэзы, якія ладзяць на здадзеных у арэнду лецішчах. Як сцвярджае ведамства, суседзям перашкаджаюць узмоцнены шум ад музыкі, гучных размоў і крыкаў, а таксама дым ад мангалаў, вогнішчаў і палення лазняў. Гэта, на думку чыноўнікаў, прыводзіць да непажаданага ўзаемадзеяння з суседнімі землекарыстальнікамі і выклікае іх незадаволенасць.
У Міністэрстве эканомікі таксама адзначалі, што калі садовы домік рэгулярна здаецца на кароткі тэрмін, гэта фактычна становіцца прадпрымальніцкай дзейнасцю, якая прыносіць даход адным грамадзянам, але адначасова можа парушаць правы і законныя інтарэсы суседзяў, якія разлічваюць на спакойны адпачынак на сваіх участках у садаводчым таварыстве.
Аграсядзібы чакаюць змены — новы закон
Мара каля возера Нарач. Як сям'я з Мінска ператварае стогадовую хату ў аграсядзібу
Сядзібу «Малыя Дольцы» на Ушаччыне зноў выставілі на аўкцыён. Толькі паўгода таму яе нібыта набыў расіянін
Так рэцэптаў беларускіх страў яшчэ ніхто не здымаў ВІДЭА
У Іўеўскім раёне ўначы згарэла аграсядзіба. Недакурак кінуў сам гаспадар
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары