Ён хацеў забіць або абясшкодзіць капітана і кіраваць самалётам у адзіночку
Падчас допыту стала вядома, што другі пілот Хамам аль-Хамамі планаваў даляцець да Тэль-Авіва і накіраваць лайнер у тэрмінал аэрапорта, каб учыніць масавую катастрофу. Пра гэта паведаміў 12‑ы канал ізраільскага тэлебачання.
Хамаму аль-Хамамі 29 гадоў, і ён з'яўляецца грамадзянінам Амана.
Ён пачаў супрацоўнічаць са следствам і распавёў, што збіраўся разбіць самалёт у Ізраілі. Менавіта таму ён пайшоў на захоп у паветры над Іарданіяй, ужо каля мяжы.
Паводле яго слоў, ён хацеў забіць або абясшкодзіць капітана і кіраваць самалётам у адзіночку. Пасля зайсці на пасадку «як звычайна», а калі самалёт ужо немагчыма будзе перахапіць, накіраваць яго ў тэрмінал аэрапорта Бэн-Гурыён.
Вядома, што для нападу на свайго калегу ён выкарыстаў аварыйную сякеру. Аднак дзеянні камандзіра і пасажыраў дапамаглі яго абясшкодзіць і бяспечна пасадзіць самалёт.
Генпракурор ААЭ: Другі пілот рэйса FlyDubai напаў на капітана, выкарыстоўваючы аварыйную сякеру
Стала вядома імя другога пілота FlyDubai, які напаў на капітана самалёта, што ляцеў у Тэль-Авіў
Гераічны індыйскі пілот Flydubai упершыню расказаў, што адбывалася ў кабіне самалёта на рэйсе з Дубая ў Тэль-Авіў
«Я пацягнуў за штурвал». Пасажыр рэйса Flydubai распавёў, як яму ўдалося выратаваць самалёт Дубай — Тэль-Авіў
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў9
Каментары