ЗША тэрмінова вывелі з Брытаніі ўсе бамбардзіроўшчыкі B-1 пасля меркаванай падрыхтоўкі тэракту на авіябазе
Дванаццаць амерыканскіх бамбардзіроўшчыкаў, якія выкарыстоўваліся для ўдараў па Іране, вярнулі ў ЗША. Гэта адбылося праз тыдзень пасля затрымання каля авіябазы некалькіх мужчын, якіх падазраюць у падрыхтоўцы тэрактаў.
Усе амерыканскія бамбардзіроўшчыкі B-1B Lancer пакінулі базу Каралеўскіх ваенна-паветраных сіл Фэрфард у Вялікабрытаніі, паведамляе Reuters са спасылкай на Пентагон.
«Хоць меркаванні аператыўнай бяспекі не дазвалялі нам пацвярджаць перамяшчэнне нашай тэхнікі і сіл у рэальным часе, цяпер мы можам паведаміць, што ўсе амерыканскія бамбардзіроўшчыкі, размешчаныя на базе Фэрфард, вярнуліся на свае базы ў Злучаных Штатах», — заявіў прадстаўнік Пентагона.
На брытанскай авіябазе знаходзіліся 12 бамбардзіроўшчыкаў B-1. З яе яны выляталі для нанясення амерыканскіх удараў па іранскіх ракетных аб’ектах.
За тыдзень да гэтага каля Фэрфарда затрымалі некалькіх мужчын паводле заканадаўства аб выбуховых рэчывах. З навакольных дамоў эвакуявалі жыхароў.
Прэм’ер-міністр Вялікабрытаніі Эндзі Бёрнэм заявіў, што ў Лондана ёсць «важкія прыкметы» датычнасці Ірана да меркаванай змовы супраць базы. Тэгеран адхіліў гэтыя абвінавачанні як беспадстаўныя. Дональд Трамп сцвярджаў, што падазраваныя планавалі нанесці «вялікую шкоду».
Каментары
Раю ўсім цікаўным азнаёміцца.
Шмат чаго стане зразумела.