Гаворка ідзе пра прэснаводны від Craspedacusta sowerbii. Упершыню гэты чужародны для Беларусі від выявілі ў 2018 годзе з дапамогай аналізу ДНК, піша канал «De facto. Беларуская навука».
Таццяна Ліпінская і Віталь Семенчанка паведамляюць у «Расійскім часопісе біялагічных інвазій»: прэснаводная медуза Craspedacusta sowerbii Lankester, 1880 — чужародны для Беларусі від, яе ўпершыню выявілі ў 2018 годзе з дапамогай аналізу ДНК навакольнага асяроддзя.
За апошнія гады прэснаводную медузу выявілі ў Прыпяці, Піне, Дняпры, Бярэзіне і Нёмане. У 2024 г. жыхары Віцебска назіралі масавае развіццё медуз у Дзвіне. Гэта першы чужародны від бесхрыбетных у басейне Дзвіны.
Прэснаводныя медузы дасягаюць у дыяметры 25 мм. Прычынай іх распаўсюджвання можа быць пацяпленне вады: аптымальная тэмпература для іх з'яўлення — 28 °C.
Медуза можа канкураваць за ежу з некаторымі мясцовымі арганізмамі. Гэты від звычайна характарызуюць як бяспечны для чалавека, аднак паведамлялася пра магчымасць скурных рэакцый пасля кантакту з ім.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары