У лясах Беларусі пачалі масава ставіць новыя інфармацыйныя стэнды. Міністэрства лясной гаспадаркі паведаміла, што праводзіць такую працу ва ўсіх рэгіёнах краіны.
Стэнды вырабляюць паводле адзінага стандарту. Іх галоўная асаблівасць — убудаваныя QR-коды, праз якія са смартфона можна атрымаць доступ да розных лічбавых сэрвісаў.
Непасрэдна ў лесе можна даведацца, якія лесагаспадарчыя работы або высечкі праводзяцца на канкрэтным участку, праверыць актуальную карту забарон і абмежаванняў на наведванне лясоў у залежнасці ад пажарнай небяспекі, аформіць заказ на куплю дроў праз інтэрнэт, а таксама азнаёміцца з інструкцыяй, як дзейнічаць у выпадку, калі чалавек заблукаў у лесе.
У Міністэрстве лясной гаспадаркі адзначаюць, што такая сістэма павінна зрабіць інфармацыю пра вядзенне лясной гаспадаркі больш даступнай і празрыстай. Акрамя таго, стэнды могуць служыць дадатковымі арыенцірамі для турыстаў і грыбнікоў.
Падобныя інфармацыйныя элементы ўжо выкарыстоўваюцца ў некаторых рэгіёнах Беларусі, у тым ліку ў ландшафтным заказніку «Азёры» пад Гроднам і на інклюзіўнай экалагічнай сцежцы «Падарожжа ў прыроду без перашкод» у Расонскім раёне.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
"ЗДЕСЬ ВЫ МОЖЕТЕ ЗАКАЗАТЬ ДРОВА (ОНЛАЙН)"
(І агульная (не пра канкрэтны участак) інфармацыя з сайта.)
Вось для таго і прыдумалі тыя плакаты, для дадатковай рэкламы.
А навошта яшчэ той лес, калі не для дроў? (горкі сарказм)
І з QR-кодамі людзі яшчэ не найграліся, не разумеюць уразлівасці.
Спасылку могуць замяніць на сайт наркагандлю, фішынг з крадзяжом даных або нават сайт "экстрэмісцкага" выдання. І яна будзе вісець доўга, пакуль нехта адказны не заўважыць. Квадрацікі і квадрацікі.