«Проста катастрофа». Прапагандыстка Сіманьян распавяла, што адно з яе дзяцей невылечна хворае
«Так не бывае. Гэта [усё адбылося] на працягу 9 месяцаў».
Галоўная рэдактарка RT Маргарыта Сіманьян расказала ў інтэрв'ю Барысу Карчэўнікаву, што адно з яе дзяцей цяжка і невылечна хворае.
«Калі Тыгран [Кеасаян] трапіў у кому, высветлілася, што вельмі цяжка і вельмі складана хворае адно з нашых дзяцей. І гэта нельга вылечыць. Я пра гэта казаць не хачу. Проста каб разумець, што так не бывае… Пайшоў у кому мой каханы, праз 40 дзён высвятляецца вось гэта з дзіцём — проста катастрофа».
Пасля гэтага яна даведалася і пра сваю хваробу.
«Я ж разрываюся паміж працай, паміж мужам, які ў шпіталі ў коме, паміж дзіцем, які проста патрабуе ўсіх душэўных сіл, і 1 верасня я высвятляю, што яшчэ ў мяне рак… Ты ведаеш, якая ў мяне была рэакцыя? Я істэрычна зарагатала. Я проста зарагатала», — сказала прапагандыстка.
«Так не бывае. Гэта [усё адбылося] на працягу 9 месяцаў», — кажа яна.
Рэжысёр Тыгран Кеасаян, муж Сіманьян, памёр у верасні мінулага года, больш за паўгода ён правёў у коме. Незадоўга да яго смерці Сіманьян расказала, што ў яе дыягнаставалі рак, у кастрычніку яна пачала праходзіць курс хіміятэрапіі.
Сіманьян, паводле даных з адкрытых крыніц, выхоўвае траіх дзяцей, старэйшае з іх нарадзілася ў 2013 годзе.
Сама прапагандыстка з восені 2025 года змагаецца з ракам грудзей. Пра сваю хваробу Сіманьян пачала адкрыта казаць у верасні.
Пазней яна звязала ўзнікненне анкалогіі з цяжкім стрэсам, які перажыла з-за хваробы мужа: прапагандыст Тыгран Кеасаян у снежні 2024 года ўпаў у кому, памёр у верасні 2025 года, правёўшы амаль год у непрытомным стане.
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Патэльня ў пекле ўжо грэецца для ўсіх Zнікаў і лукашыстаў ;)