Міністэрства фінансаў ЗША выкрасліла з санкцыйнага спісу генеральнага дырэктара «Беларуськалія» Андрэя Рыбакова. Інфармацыя пра гэта з'явілася на сайце ўстановы.
Андрэю Рыбакову 50 гадоў, ён родам з Магілёва.
Сваю працоўную кар’еру ў 1998 годзе Рыбакоў пачаў на прадпрыемстве «Магілёўхімвалакно», дзе зрабіў кар'еру ад апаратчыка сінтэзу да начальніка цэха. У 2004—2008 гадах ён працаваў у канцэрне «Белнафтахім», даслужыўшыся да намесніка начальніка вытворча-тэхналагічнага ўпраўлення.
У 2008—2015 гадах займаў пасады галоўнага інжынера і першага намесніка генеральнага дырэктара «Магілёўхімвалакна». Пазней стаў дырэктарам завода горнага воску і кіраваў ім да 2017 года.
У 2017 годзе Андрэя Рыбакова прызначылі намеснікам старшыні Беларускага дзяржаўнага канцэрна па нафце і хіміі, а ў 2018 годзе ён стаў старшынёй канцэрна «Белнафтахім». «Беларуськаліем» ён кіруе з лістапада 2024 года.
Зняцце амерыканскіх санкцый з «Беларуськалія» і звязаных з ім асоб звязанае з імкненнем адміністрацыі Дональда Трампа завязаць эканамічную супрацу з рэжымам Аляксандра Лукашэнкі ў Беларусі. ЗША збіраюцца рабіць шырокамаштабныя закупкі беларускага калію, і першая яго партыя ўжо адпраўленая.
Адным з вынікаў гэтага працэсу былі некалькі хваляў вызвалення беларускіх палітвязняў. Значная іх частка адразу пасля вызвалення былі выдвараныя за межы краіны.
Калій пайшоў у Штаты і даў козыры Лукашэнку. А што з гэтага Трампу? І што зменіцца для «Беларуськалія»?
Першае судна з беларускім каліем прыбудзе ў ЗША ў кастрычніку
Наколькі каштоўнае для Лукашэнкі апошняе зняцце санкцый з боку ЗША
Суд ЕС адхіліў пазовы «Беларуськалія» і БКК аб адмене санкцый
ЗША неафіцыйна папрасілі тры краіны зняць санкцыі з беларускага калію
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары