«Prosta katastrofa». Prapahandystka Simańjan raspaviała, što adno ź jaje dziaciej nievylečna chvoraje
«Tak nie byvaje. Heta [usio adbyłosia] na praciahu 9 miesiacaŭ».
Hałoŭnaja redaktarka RT Marharyta Simańjan raskazała ŭ intervju Barysu Karčeŭnikavu, što adno ź jaje dziaciej ciažka i nievylečna chvoraje.
«Kali Tyhran [Kieasajan] trapiŭ u komu, vyśvietliłasia, što vielmi ciažka i vielmi składana chvoraje adno z našych dziaciej. I heta nielha vylečyć. Ja pra heta kazać nie chaču. Prosta kab razumieć, što tak nie byvaje… Pajšoŭ u komu moj kachany, praz 40 dzion vyśviatlajecca voś heta ź dziciom — prosta katastrofa».
Paśla hetaha jana daviedałasia i pra svaju chvarobu.
«Ja ž razryvajusia pamiž pracaj, pamiž mužam, jaki ŭ špitali ŭ komie, pamiž dziciem, jaki prosta patrabuje ŭsich dušeŭnych sił, i 1 vieraśnia ja vyśviatlaju, što jašče ŭ mianie rak… Ty viedaješ, jakaja ŭ mianie była reakcyja? Ja isteryčna zarahatała. Ja prosta zarahatała», — skazała prapahandystka.
«Tak nie byvaje. Heta [usio adbyłosia] na praciahu 9 miesiacaŭ», — kaža jana.
Režysior Tyhran Kieasajan, muž Simańjan, pamior u vieraśni minułaha hoda, bolš za paŭhoda jon pravioŭ u komie. Niezadoŭha da jaho śmierci Simańjan raskazała, što ŭ jaje dyjahnastavali rak, u kastryčniku jana pačała prachodzić kurs chimijaterapii.
Simańjan, pavodle danych z adkrytych krynic, vychoŭvaje traich dziaciej, starejšaje ź ich naradziłasia ŭ 2013 hodzie.
Sama prapahandystka z vosieni 2025 hoda zmahajecca z rakam hrudziej. Pra svaju chvarobu Simańjan pačała adkryta kazać u vieraśni.
Paźniej jana źviazała ŭźniknieńnie ankałohii ź ciažkim stresam, jaki pieražyła z-za chvaroby muža: prapahandyst Tyhran Kieasajan u śniežni 2024 hoda ŭpaŭ u komu, pamior u vieraśni 2025 hoda, pravioŭšy amal hod u nieprytomnym stanie.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Patelnia ŭ piekle ŭžo hrejecca dla ŭsich Znikaŭ i łukašystaŭ ;)