Некаторым вызваленым 19 сакавіка палітвязням, якім дазволілі застацца ў Беларусі, забаранілі афармляць сімкі і карыстацца банкаўскімі карткамі
Палітвязням, якіх вызвалілі 19 сакавіка пасля прыезду амерыканскіх дыпламатаў і якім дазволілі застацца ў Беларусі, выставілі строгія ўмовы знаходжання на волі, паведамляе ініцыятыва «Ружовыя касынкі».
Торбы палітвязняў з рэчамі з калоній. Ілюстрацыйнае фота: «Наша Ніва»
Паводле наяўнай інфармацыі, перад вызваленнем частцы палітвязняў тлумачылі ўмовы іх далейшага знаходжання на волі.
Сярод асноўных патрабаванняў:
- забарона на выкарыстанне банкаўскіх картак;
- забарона на афармленне і выкарыстанне SIM-картак;
- любое парушэнне (аж да нязначных, напрыклад, ужыванне алкаголю) можа прывесці да паўторнага зняволення.
Таксама паведамляецца, што ў святочныя дні вызваленых могуць змяшчаць у ІЧУ або СІЗА.
Па асобных дадзеных, значная колькасць жанчын была вызваленая без пашпартоў. Афіцыйнае тлумачэнне — дакументы нібыта згубленыя.
Раней вызваленым палітвязням не выстаўлялі настолькі строгіх умоў.
Каментары
Вы дарагаталіся (