Tramp zajaviŭ, što Pucin «strymaŭ abiacańnie» nie abstrelvać ukrainskija harady na praciahu tydnia
Vašynhton i Kijeŭ pa-roznamu aceńvajuć vyniki enierhietyčnaha maratoryja, pra jaki Donald Tramp prasiŭ Uładzimira Pucina na minułym tydni. Amierykanski prezident zajaŭlaje, što Kreml vykanaŭ svajo abiacańnie nie bić pa haradach padčas marazoŭ, a Uładzimir Zialenski kanstatuje, što Rasija vykarystała hetuju paŭzu tolki dla nazapašvańnia rakiet i padrychtoŭki jašče bolš maštabnaha ŭdaru.
«Jon pahadziŭsia, jon strymaŭ svajo słova», — skazaŭ pra Pucina prezident ZŠA Donald Tramp žurnalistam u Biełym domie, piša BVS. Pavodle jaho słoŭ, Rasija, jak i było abiacana, nie abstrelvała ŭkrainskija harady da 1 lutaha.
Pra enierhietyčny maratoryj stała viadoma 29 studzienia — tady Tramp skazaŭ, što asabista paprasiŭ Uładzimira Pucina nie nanosić udary pa Ukrainie na praciahu tydnia na čas marazoŭ, a Pucin pahadziŭsia.
Kreml paźniej paviedamiŭ, što Rasija prypyniaje ŭdary pa enierhietyčnych abjektach Ukrainy da 1 lutaha «z metaj stvareńnia spryjalnych umoŭ dla praviadzieńnia pieramoŭ».
Z momantu, kali pra spynieńnie ŭdaraŭ stała viadoma, i da pačatku novych rasijskich udaraŭ prajšło mienš za tydzień, pra što zajaviŭ prezident Zialenski. «Niapoŭnyja čatyry dni prajšli z tydnia, pra jaki Rasiju prasili. Heta śviedčyć i pra ŭsio astatniaje, što Rasija abiacaje ci jašče moža paabiacać. Kali ich słova nie trymajecca ŭžo zaraz, to čaho čakać dalej?» — skazaŭ ukrainski prezident.
Raniej prezident Zialenski zajaviŭ, što ŭ Kijevie čakajuć reakcyi ZŠA na maštabny rasijski rakietny abstreł Ukrainy. «Była prośba asabista ad prezidenta Złučanych Štataŭ. My bačym, što Rasija na hetuju prośbu adkazała rekordam balistyki», — skazaŭ Zialenski ŭ viačernim zvarocie 3 lutaha.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary
Druh vładimir zvonit i obraŝajetsia s prośboj k druhu doni: "doni, tut u mienia zakavyka obrazovałaś, zapas ballistiki i kryłatych rakiet zakončiłsia, nado podnakopitsia, da i niefť s bolšim diskontom i płocho idiot na eksport, iz-za udarov ukrainciev po NPZ i tierminałam, nado niedielka pieriedychu. Ty skaži, čto my sohłasny na niedielnoje pieriemirije, čtoby ukraincy nie bili po nieftiankie i čtoby podnakopiť balistiku i kryłatyje rakiety. I nam, doni, chorošo i ty mirotvorciem vyhladiš, kak i našie striemlenije k ustojčivomu miru, pośle toho, kak zamorim chołodom i hołodom ukrainciev, da zastavim pojti na kapitulaciju "
doni i rad staraťsia, nado žie svojemu kumiru i druhu pomoċ.
Ihra v čietyrie ruki protiv Ukrainy !
Kali ni paščaścit jašče 3,5 hady...