«Kali sama Maša piarojdzie na biełaruskuju movu dy budzie źjaŭlacca pad bieł-čyrvona-biełym ściaham, kažučy pra Biełaruś — heta taksama budzie vielmi dobra, pa-biełarusku», — pierakanany palityk.
Palityk źmiaściŭ u svaim fejsbuku dopis, pryśviečany Maryi Kaleśnikavaj.
«Maryja Kaleśnikava zaźziała jak zorka ŭ Maładym Froncie. Pa-biełarusku, pad bieł-čyrvona-biełym ściaham, ź flejtaj. Pryhoža!
Maša była adna ź pieršych dydžejaŭ Adradžeńnia — pieramožcaŭ maładafrontaŭskich liderskich kursaŭ u samym pačatku 2000-ych.
Cudoŭnaj, jaskravaj, volevaj moładzi tady ŭ biełaruskim ruchu było mnostva.
Ale čym dalej u epochu Łukašenki, tym bolš bieł-čyrvona-biełaja ramantyka pačynała ŭsprymacca nie jak moc i pryhažość naroda, a jak dzivactva i skrajnaść.
U 2020 hodzie dajšło da taho, što novyja lidary pratestnaj palityki adpačatku staralisia admiežavacca ad biełaruskaści i nacyjanalnaha ściahu — maŭlaŭ, heta «staraja apazicyja».
Ale ŭ žniŭni 2020 hoda sotni tysiačaŭ biełarusaŭ vyjšli na pratest mienavita ź bieł-čyrvona-biełymi ściahami Chrysta. I znoŭ na poŭny hołas zahučała biełaruskaja mova.
Nijakaja nie «staraja», ale viečnaja.
Hetaja źjava — vialikaja navuka dla ŭsich biełarusaŭ, jakija kažuć ad imia Biełarusi.
Niamožna adkidać dušu i sutnaść svajoj Radzimy — i zastavacca jaje sercam.
U žniŭni 2020 hoda Maša Kaleśnikava viarnułasia pad bieł-čyrvona-biełyja ściahi. I toje, što jana zrabiła tady, jaje advaha i luboŭ — zastaniecca ŭ biełaruskaj historyi. Moc i śviatło jaje vobrazu, jak i cud Śviatłany Cichanoŭskaj, jak mužnaść Statkieviča, jak zmahańnie miljonaŭ biełarusaŭ — Božy dar i naš supolny zdabytak.
Paśla vychadu z turmy, va ŭkrainskim Čarnihavie, paśla viadomaj pres-kanfierencyi i abureńnia biełarusaŭ my z Uładziam Łabkovičam, kłasnym maładafrontaŭcam 1990-ych, hadzinami razmaŭlali z Mašaj i Marynaj Zołatavaj. I Maša, i Maryna vydatna razmaŭlajuć pa-biełarusku. A jak fajna Maša z Maksimam Znakam śpiavali dla ŭsich palitviaźniaŭ «Try čarapachi» i «Prostyja słovy»!..
I nam, biełarusam, i samoj Mašy treba asensavać, jakuju kaštoŭnaść daje nam Boh — čas, u jakim my žyviem, i cudy, jakija Jon tvoryć praz nas.
Varta razumieć: praz našy pakuty ŭ turmach, vojnach, vyhnańniach sprabuje vyjavicca Sam Chrystos.
Ci dazvolim my Jamu — ci nie?
Varta zaciemić raz i nazaŭždy: najvialikšaja kaštoŭnaść Biełarusi — heta ludzi.
Navat Łukašenka, jaki kanviejeram vyvozić na ekspart za miažu i pradaje najlepšych biełarusaŭ Zachadu, heta razumieje.
Dyk voś, my, biełarusy, nia možam dazvolić sabie raskošu vykidvać, jak niepatrebnaje ryźzio, ź biełaruskaha žyćcia ani «staruju apazicyju», ani zmaharoŭ, jakija achviaravali saboju, ani dabraachvotnikaŭ, što vajavali za Ukrainu, ani Mašu Kaleśnikavu.
Treba canić i bierahčy kožnaha biełarusa!
Davajcie vučycca hetamu ŭ habrejaŭ, ź jakimi my žyli stahodździami popleč.
Toje, što Śviatłana Cichanoŭskaja zaprasiła Maryju stać razam u navahodnim efiry — heta dobra, pa-biełarusku.
Toje, što Zianon Paźniak znajšoŭ słovy, kab sucišyć ckavańnie Mašy — heta dobra, pa-biełarusku.
I kali sama Maša piarojdzie na biełaruskuju movu dy budzie źjaŭlacca pad bieł-čyrvona-biełym ściaham, kažučy pra Biełaruś — heta taksama budzie vielmi dobra, pa-biełarusku.
Da 2020 hoda možna było ličyć, što adkrytaja biełaruskaść — heta dzivactva i słabaść.
Ale ciapier adkrytaja biełaruskaść — heta moc i pryhažość, jakija adhukajucca ŭ sercach miljonaŭ.
Biełaruś ŽYVIE – i žyvie jana ŭ sercach biełarusaŭ», — napisaŭ Pavieł Sieviaryniec.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Ale ž, babarykancy CHOČUŤ być hubiernskimi maskoŭcami.