Rasijskaha komika Arciemija Astanina prysudzili da 5 hadoŭ i 9 miesiacaŭ turmy. Jaho zatrymali ŭ Minsku
Pry zatrymańni jaho źbili siłaviki.
Rasijskaha komika Arciemija Astanina siońnia prysudzili da 5 hadoŭ i 9 miesiacaŭ turmy. Astanina zatrymali ŭ sakaviku pry sprobie pierasiačeńnia miažy ź Biełaruśsiu i dastavili ŭ Maskvu. Pry zatrymańni jaho źbili siłaviki. Raśfinmanitorynh uklučyŭ komika ŭ rejestr «terarystaŭ i ekstremistaŭ». Astanin viny nie pryznaŭ, piša Astra.
«Pačniom z taho, što ja panios vielmi surjoznuju škodu zdaroŭju. Mianie vykrali ź Minska niezakonnym čynam, nie vystaviŭšy mnie nijakich abvinavačańniaŭ. Prosta ludzi ŭ cyvilnym vykrali mianie z aeraporta, kab pieradać u Rasiju. Ale pa darozie ź Minska ŭ Smalensk my zrabili prypynak u lesie, dzie mianie žorstka źbili, złamali chrybietnik, bili tokam, niekalki razoŭ sprabavali zarezać — ale, na ščaście, hetaha nie adbyłosia, i ja ŭsio jašče maju mahčymaść stajać tut i havaryć», — skazaŭ jon padčas apošniaha słova.
Padstavaj dla kryminalnaha pieraśledu stali dva žarty, jakija prahučali padčas vystupleńnia. Spravu pa artykule ab raspalvańni nianaviści abo varožaści zaviali z-za manałoha pra mužčynu biez noh, jaki śledstva rascaniła jak źniavahu hodnaści ŭdzielnika bajavych dziejańniaŭ. Sam Astanin nastojvaje, što žart byŭ pra «žabraka» na skiejtbordzie i nie mieŭ nijakaha dačynieńnia da ŭdzielnikaŭ «SVA».
Akramia taho, komiku inkryminavali abrazu pačućciaŭ viernikaŭ — z-za žartu pra Isusa Chrysta. Abvinavačańnie śćviardžała, što Astanin nibyta dziejničaŭ u składzie «arhanizavanaj hrupy», jakaja naŭmysna zładziła vystupleńnie z žartami pra relihiju.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary