Park imia Čaluskincaŭ rychtujecca da rekanstrukcyi — pačynajecca hramadskaje abmierkavańnie
Park imia Čaluskincaŭ u chutkim časie moža źmianicca. Administracyja Pieršamajskaha rajona vyniesła na hramadskaje abmierkavańnie prajekt jaho častkovaj rekanstrukcyi, paviedamlajuć «Minsk-Naviny». Abmierkavańnie prajekta pačniecca 5 lutaha.
Zona adpačynku płoščaj 59 hiektaraŭ, raźmieščanaja pobač z hałoŭnym praśpiektam i stancyjaj mietro, u letni čas štodnia pryciahvaje tysiačy haradžan. Apošni raz značnaje abnaŭleńnie jaje infrastruktury pravodziłasia bolš za dziesiać hadoŭ tamu, u pieryjad z 2003 pa 2010 hod.
Novy etap dobraŭparadkavańnia zakranie pierš za ŭsio centralnuju aleju i prylehłyja da jaje terytoryi. Na hetyja mety płanujecca nakiravać zvyš 10 młn rubloŭ.
Zamiest raznastajnych kropak handlu źjaviacca 10 niestacyjanarnych kaviarniaŭ i 32 handlovyja paviljony, padklučanyja da kamunikacyj. Dla ich raspracavany typavyja kanstrukcyi z fasadami «pad dreva», kab jany harmanična ŭpisalisia ŭ asiarodździe.
U parku pastaviać atrakcyjony «Koła ahladu», «Ładździu» i «Katalnuju horku». Dziciačaja hulniavaja zona budzie całkam madernizavanaja na raniejšym miescy.
Zapłanavana zamiena aśviatleńnia, ustanoŭka sučasnych łavak, abnaŭleńnie kantejniernych placovak i kas, a taksama stvareńnie biezbarjernaha asiarodździa.
Abmierkavańnie prajekta budzie doŭžycca z 5 pa 19 lutaha. Adpaviednyja materyjały raźmieščany na sajcie administracyi Pieršamajskaha rajona. Prapanovy i zaŭvahi prymajucca pa adrasie: 220012, h. Minsk, zav. K. Čornaha, 5, kab. 306, abo na elektronnuju poštu: [email protected] z pamietkaj «Hramadskaje abmierkavańnie».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary