U Minsku chutka pačnucca pracy pa rekanstrukcyi Kalvaryjskaha kaścioła
Dziaržpradpryjemstva «Minskaja spadčyna», va ŭłasnaści jakoha znachodzicca nie tolki Čyrvony kaścioł u Minsku, ale i chram na Kalvaryjskich mohiłkach, pačynaje raboty pa rekanstrukcyi hetaha kaścioła, a taksama kaplic-pachavalniaŭ i ŭvachodnaj bramy.
Pieršym etapam stanie vykanańnie abśledavalnickich rabot pa abjekcie — jak zaŭvažyli žurnalisty, źjaviŭsia adpaviedny tendar pa pošuku vykanaŭcy. Zhodna z zakupkaj, hetyja raboty pavinny pačacca ŭ druhoj pałovie lutaha, piša katolik.life.
Pakul havorka idzie tolki ab abśledavańni techničnaha stanu ścien, padmurkaŭ, dachu, unutranaha azdableńnia, pa vynikach jakoha śpiecyjalisty pavinny vydać zaklučeńnie. Heta značyć, što ŭ chramie ŭžo źjaviacca budaŭničyja ryštavańni.
Ci začyniać jaho dla viernikaŭ? Raniej paviedamlałasia, što takoje moža adbycca.
Nijakaj publičnaj infarmacyi pra heta pakul niama — ni ad dziaržarhanizacyj, ni ad parafii. U pabliku supolnaści nie raźmiaščali abjaŭ na hety kont — na dadzieny momant nabaženstvy prachodziać bieź źmienaŭ.
Ale jak kazaŭ raniej mitrapalit Minska-Mahiloŭski arcybiskup Juzaf Stanieŭski, parafija budzie vymušana šukać časovaje miesca, pakolki dziaržaŭnaja arhanizacyja płanuje tam ramont. Adnak paśla hetaha situacyju nijak aficyjna nie kamientavali.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary