Čynoŭniki papiaredzili pra adkaznaść za niehatyŭnyja internet-vodhuki ab tavarach
Načalnica ŭpraŭleńnia pa abaronie pravoŭ spažyŭcoŭ i kantroli za rekłamaj Ministerstva antymanapolnaha rehulavańnia i handlu Biełarusi Ina Haŭrylčyk zajaviła, što aŭtary niehatyŭnych vodhukaŭ u internecie niasuć adkaznaść za toje, što pišuć. Heta tyčycca jak zvyčajnych karystalnikaŭ, tak i kampanij, na sajtach jakich pad vyhladam vodhukaŭ raźmiaščajecca rekłama.
Čynoŭnica adznačyła, što mnohija kirujucca ŭ svaich dziejańniach «starymi kryŭdami» — naprykład, pišuć niehatyŭny vodhuk na arhanizacyju za toje, što niekalki hadoŭ tamu im niapravilna adkazali ci pradavali niajakasny tavar. Choć prablema była vyrašanaja, asadak, maŭlaŭ, zastajecca.
«U takoj situacyi spažyviec adkazvaje za svaje słovy, i heta rehulujecca hramadzianskim zakanadaŭstvam», — padkreśliła Haŭrylčyk.
Što tyčycca pachvalnych vodhukaŭ u internecie, to, kali jany majuć jaŭna rekłamny charaktar, da kampanij, na sajtach jakich jany apublikavanyja, mohuć być pryniatyja miery. Kali ŭ vodhuku vykarystoŭvajucca słovy ŭ najvyšejšaj stupieni («najlepšy», «samy dobry»), heta ŭžo nie prosta mierkavańnie, a rekłamny vodhuk.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary