Papularny dastaŭščyk picy biez papiaredžańnia braŭ hrošy nie tolki za picu, ale i za zvanok
Ministerstva antymanapolnaha rehulavańnia i handlu vyniesła pradpisańnie kampanii Domino’s Pizza z-za płatnych telefonnych zvankoŭ, jakija praktykavalisia pry zakazie picy.
Padstavaj dla pravierki staŭ zvarot adnaho ź biełarusaŭ, jaki paviedamiŭ, što padčas zakazu picy pa karotkim numary 7717 ź jaho mabilnaha rachunku byli śpisanyja hrošy. U chodzie pravierki MARH paćvierdziła parušeńnie zakanadaŭstva ab abaronie pravoŭ spažyŭcoŭ.
Vyśvietliłasia, što dla niekatorych abanientaŭ košt zvanka na hety numar adroźnivaŭsia ad taryfaŭ, praduhledžanych damovaj z apierataram suviazi. Za zvanok spahaniałasia płata ŭ pamiery 0,21 rubla za chvilinu, adnak pakupnikoŭ pra heta zahadzia nie infarmavali.
Mienavita adsutnaść naležnaha infarmavańnia spažyŭcoŭ z boku TAA «Daminośpica» i stała pryčynaj vydačy pradpisańnia.
U MARH adznačyli, što arhanizacyja ŭžo vykanała patrabavańni viedamstva: ciapier pry zvanku na karotki numar 7717 klijentam paviedamlajuć, što zvanok płatny, i paznačajuć jaho košt za chvilinu razmovy.
U ministerstvie taksama źviarnuli ŭvahu, što asobnym abanientam apieratara A1 nieabchodna ŭličvać: apłačvać davodzicca nie tolki samu picu, ale i telefonny zvanok dla jaje zakazu.
U Minsku źjaviłasia pica ź pielmieniami
Na rasijskich tavarach biełaruskuju movu možna sustreć ci nie čaściej, čym na biełaruskich. Čamu tak?
U školnych stałoŭkach chočuć pradavać mienš smažanak i picaŭ
Jakaja sietka kafe samaja raspaŭsiudžanaja ŭ Biełarusi? Heta nie «Burhier Kinh» i nie były «Makdonalds»
Skandalnaja rasijskaja sietka hramadskaha charčavańnia «Jobidajobi» rehistruje svoj tavarny znak u Biełarusi
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ18
Kamientary