Na biełaruska-polskaj miažy zatrymali šeść mašyn z kantrabandnymi cyharetami
Na pamiežnym pierachodzie ŭ Babroŭnikach supracoŭniki polskaj mytna-padatkovaj słužby spynili sprobu niezakonnaha ŭvozu cyharet u Polšču. Padčas pravierki šaści lehkavych aŭtamabilaŭ jany znajšli kantrabandu — bolš za 25 tysiač biełaruskich cyharet ahulnym koštam zvyš 26 tysiač złotych (kala 7300 dalaraŭ).

Uźnikła padazreńnie, što kiroŭcy mahli pieravozić nielehalny tavar, tamu mašyny nakiravali na pahłybleny ahlad. U vyniku ŭ kožnym aŭtamabili byli znojdzienyja schavanyja cyharety. Ich chavali ŭ paddonach aŭto, u matornych adsiekach i navat u kryškach bahažnikaŭ.
Za rulom znachodzilisia hramadzianie Biełarusi. Usie jany atrymali štrafy — ad 2,3 tysiačy da 20 tysiač złotych (ad 645 da 5612 dalaraŭ). Ahulnaja suma nakładzienych štrafaŭ skłała 50 tysiač złotych (kala 14 tysiač dalaraŭ).
Kamientary