U Litvie pierachapili partyju kantrabandnych cyharet, jakija skinuli ŭ śnieh ź ciahnika
U Viłkaviškskim rajonie ŭ Litvie pamiežniki zatrymali dvuch miascovych žycharoŭ, jakich padazrajuć u niezakonnym vałodańni padakcyznymi tavarami. Miarkujecca, što bujnuju partyju cyharet vykinuli z hruzavoha ciahnika, jaki ruchaŭsia pa maršrucie Kibarty — Kiana.
Na miescy zdareńnia litoŭskija pamiežniki znajšli kala čyhunki kala piacidziesiaci kardonnych skrynak. U ich znachodziłasia 25 tysiač pačkaŭ cyharet NZ Gold ź biełaruskimi akcyznymi markami. Ahulny košt kanfiskavanaha hruzu z ulikam usich abaviazkovych u Litvie padatkaŭ pieravyšaje 110 tysiač jeŭra.
Pobač, na terytoryi siadziby, pamiežniki znajšli mikraaŭtobus Volkswagen Crafter ź litoŭskimi numarami. Miarkujecca, što hety transpartny srodak moh vykarystoŭvacca dla pieravozki kantrabandnych tavaraŭ.
Zatrymanyja mužčyny (34 i 45 hadoŭ) spačatku byli źmieščany ŭ izalatar časovaha ŭtrymańnia, adnak paśla dopytu ich vyzvalili pad piśmovaje abaviazacielstva nie pakidać miesca žycharstva.
Za niezakonnaje abaračeńnie padakcyznych tavaraŭ u Litvie praduhledžanyja štraf abo pazbaŭleńnie voli na termin da vaśmi hadoŭ.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary