U finale jany pieramahli Kanadu ź likam 2:1.
Amierykancy zabili ŭ pačatku pieršaha pieryjada, u kancy druhoha kanadcy zraŭniali, u trecim pieryjadzie šajbaŭ nie było.
A ŭ pačatku aviertajma amierykancy zakinuli pieramožnuju šajbu — 2:1. Na 101‑j siekundzie zabiŭ Džek Chjuz.
Ich hałkipier Konar Chielebak stajaŭ jak ściana, adbiŭ 41 kidok.
Heta treciaja pieramoha chakieistaŭ ZŠA na Alimpijadach (1960, 1980, 2026). Apošni raz amierykancy pieramahali na Hulniach ažno 46 hadoŭ tamu. Tady ŭ Łejk-Płesidzie adbyŭsia znakamity «Cud na lodzie»: zbornaja ZŠA, za jakuju hulali studenty, naniesła parazu zornaj kamandzie SSSR, jakaja amal absalutna daminavała na mižnarodnych turnirach. Taja pieramoha ličycca adnoj z najvialikšych u historyi ŭsiaho amierykanskaha sportu.
Žanočy turnir taksama vyjhrali ZŠA, što pieramahli ŭ aviertajmie Kanadu 2:1.
Spabornictvy skončanyja. Miedalny zalik vyjhrała Narviehija, jakaja zavajavała 41 miedal (18 załatych, 12 siarebranych, 11 bronzavych). U ZŠA, što zaniali druhoje miesca pa ŭznaharodach, 33 miedali (12+12+9).
A 22:30 pačniecca cyrymonija zakryćcia Zimovaj Alimpijady. Jana projdzie ŭ Vieronie.
Nastupnyja Zimovyja Alimpijskija hulni projduć u 2030 hodzie ŭ Francuzskich Alpach.
Kamientary
I pry tym prezidencie, što byŭ da Bajdana.