Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
61‑hadovy Siarhiej Alchoŭka zavierbavaŭsia na vajnu i zahinuŭ pad Pakroŭskam.
Šukać 61‑hadovaha Siarhieja Alchoŭku pačali ŭ mai 2025 hoda. Žychar Połacka pajšoŭ šturmavać Novuju Pałtaŭku — heta 20 km ad Pakroŭska ŭ Danieckaj vobłaści. Niedzie tam i zastaŭsia nazaŭsiody.
Paśviedčańnie ab śmierci vypisali 25 žniŭnia 2025 hoda, paśla čaho syny — Juryj i Uładzisłaŭ — pasprabavali atrymać baćkavu spadčynu.
Situacyja była niezvyčajnaja. Na momant śmierci ŭ Siarhieja Alchoŭki nie było nie toje što nieruchomaści, ale navat i miesca žycharstva. Nidzie — u Biełarusi jaho kaliści jaho vysielili rašeńniem suda, a ŭ Rasii jon nie paśpieŭ zarehistravacca.
My nie viedajem, ci jon badziaŭsia, ci prosta niedzie žyŭ biez rehistracyi.
Syny zmahalisia tolki za hrošy z vajny, jakija zastalisia na bankaŭskich rachunkach baćki — tudy prychodziŭ «zarobak». Praŭda, adsutnaść rehistracyi stvaryła jurydyčnuju zahvozdku. Nataryus nie zmoh vyznačyć miesca adkryćcia spadčyny i admoviŭsia vydavać paśviedčańnie ab pravie na spadčynu. Sud vyrašyŭ, što kali nieruchomaści niama, to miescam adkryćcia spadčyny treba ličyć miesca znachodžańnia najbolš kaštoŭnaj častki ruchomaj majomaści — rachunku ŭ banku ŭ Jarasłaŭli. Heta dało padstavu razhladać spravu pa rasijskim pravie.
Spadkajemcami pieršaj čarhi byli dva syny zahinułaha — Juryj i Uładzisłaŭ Alchoŭki. Pazoŭ padaŭ Juryj, u vyniku sud addaŭ usie hrošy jamu. Uładzisłaŭ nie piarečyŭ.
Kamientary