Сяргей быў у Полацку без месца жыхарства. Маёмасці не меў ніякай, то сын праз суд выбіваў хаця б бацькаў вайсковы заробак
61‑гадовы Сяргей Альхоўка завербаваўся на вайну і загінуў пад Пакроўскам.
Шукаць 61‑гадовага Сяргея Альхоўку пачалі ў маі 2025 года. Жыхар Полацка пайшоў штурмаваць Новую Палтаўку — гэта 20 км ад Пакроўска ў Данецкай вобласці. Недзе там і застаўся назаўсёды.
Пасведчанне аб смерці выпісалі 25 жніўня 2025 года, пасля чаго сыны — Юрый і Уладзіслаў — паспрабавалі атрымаць бацькаву спадчыну.
Сітуацыя была незвычайная. На момант смерці ў Сяргея Альхоўкі не было не тое што нерухомасці, але нават і месца жыхарства. Нідзе — у Беларусі яго калісьці яго выселілі рашэннем суда, а ў Расіі ён не паспеў зарэгістравацца.
Мы не ведаем, ці ён бадзяўся, ці проста недзе жыў без рэгістрацыі.
Сыны змагаліся толькі за грошы з вайны, якія засталіся на банкаўскіх рахунках бацькі — туды прыходзіў «заробак». Праўда, адсутнасць рэгістрацыі стварыла юрыдычную загвоздку. Натарыус не змог вызначыць месца адкрыцця спадчыны і адмовіўся выдаваць пасведчанне аб праве на спадчыну. Суд вырашыў, што калі нерухомасці няма, то месцам адкрыцця спадчыны трэба лічыць месца знаходжання найбольш каштоўнай часткі рухомай маёмасці — рахунку ў банку ў Яраслаўлі. Гэта дало падставу разглядаць справу па расійскім праве.
Спадкаемцамі першай чаргі былі два сыны загінулага — Юрый і Уладзіслаў Альхоўкі. Пазоў падаў Юрый, у выніку суд аддаў усе грошы яму. Уладзіслаў не пярэчыў.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары