U Mieksicy vajskoŭcy zabili hałoŭnaha narkabarona. U adkaz jaho chaŭruśniki palać samaloty i aŭtobusy
El Mienča dziesiacihodździami chavaŭsia pad abaronaj svaich bajevikoŭ. Ciapier jaho kartel čynić biesparadki na vulicach Mieksiki.
U Mieksicy zabili El Mienča — adnaho z samych niebiaśpiečnych narkabaronaŭ śvietu. Pra heta paviedamlaje El País.
Rubien Niemiesia Asiehiera (El Mienča) — lidar kartela CJNG («Novaje pakaleńnie Chaliska»). Narkabarona likvidavali mieksikanskija vajskoŭcy.
El Mienča zabity ŭ harach Chaliska. Jon dziesiacihodździami chavaŭsia pad abaronaj svaich bajevikoŭ.
Padčas apieracyi čatyry ŭdzielniki kartela zahinuli na miescy, a troje atrymali ciažkija ranieńni i pamierli padčas transparciroŭki pavietram u Miechika. Siarod apošnich troch byŭ i El Mienča. Ułady kanfiskavali taksama roznaje ŭzbrajeńnie, u tym liku «rakietnyja ŭstanoŭki, zdolnyja źbivać samaloty i źniščać braniravanuju techniku».
Hetu padzieju paraŭnoŭvajuć pa maštabach sa złovam El Majo i El Čapa, jakija siadziać u turmach ZŠA.
Paśla śmierci El Mienčy kartel pačaŭ błakavać darohi i padpalvać aŭto pa ŭsioj krainie. Śmierć narkabarona stavić Mieksiku ŭ situacyju niapeŭnaści, uličvajučy schilnaść kryminalnych hrup da mižusobnych vojnaŭ.
Likvidacyja El Mienčy, jaki byŭ pryjarytetnaj cellu i dla ZŠA, stała samym mocnym udaram pa narkahandli ŭ najnoŭšaj historyi krainy. Urad Donalda Trampa prapanoŭvaŭ da 15 miljonaŭ dalaraŭ za infarmacyju, jakaja dapamahła b u zatrymańni narkabarona.
El Mienča byŭ apošnim z pakaleńnia narkahandlaraŭ, jakija, jak El Čapa i El Majo, pačynali svoj šlach jašče ŭ minułym stahodździ, kali partyja PRI całkam daminavała ŭ Mieksicy, a kryminał padparadkoŭvaŭsia aficyjnaj uładzie. Z hadami staryja aljansy źnikli, hrupoŭki frahmientavalisia i stvaryli mahutnyja armii, vykarystoŭvajučy patok zbroi z ZŠA.
Ciapier na voli nie zastałosia nikoha ź ich.
U adkaz na likvidacyju El Mienča jaho chaŭruśniki pierakryli darohi ŭ vaśmi štatach krainy. Jany palać aŭtamabili, aŭtobusy i navat samaloty pa miascovych aeradromach.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary