U Ženievie pačaŭsia novy raŭnd trochbakovych pieramovaŭ pamiž Ukrainaj, ZŠA i Rasijaj. Pra heta paviedamiŭ kiraŭnik ukrainskaj delehacyi, sakratar Rady nacyjanalnaj biaśpieki i abarony Rustem Umieraŭ, paviedamlaje «Jeŭrapiejskaja praŭda».
Pa słovach Umierava, padčas sustrečy płanujecca abmierkavać pytańni biaśpieki i humanitarnyja temy. Jon adznačyŭ, što ŭkrainski bok nastrojeny pracavać kanstruktyŭna i biez zavyšanych čakańniaŭ, imknučysia da rašeńniaŭ, jakija mohuć nablizić ustojlivy mir.
Akramia Umierava, Ukrainu na pieramovach pradstaŭlajuć kiraŭnik Ofisa prezidenta Kiryła Budanaŭ, jaho pieršy namieśnik Siarhiej Kiślica, kiraŭnik frakcyi «Słuha naroda» David Arachamija, načalnik Hienštaba USU Andrej Hnataŭ i namieśnik kiraŭnika HUR Vadzim Skibicki.
Rasijskuju delehacyju ŭznačalvaje pamočnik prezidenta RF Uładzimir Miadzinski.
Z amierykanskaha boku ŭdzielničajuć śpiecpasłańnik prezidenta ZŠA Styŭ Uitkaf, ziać Donalda Trampa Džared Kušnier, ministr armii Den Dryskał i hałoŭnakamandujučy Abjadnanymi ŭzbrojenymi siłami NATA ŭ Jeŭropie hienierał Aleksus Hrynkievič.
Napiaredadni sustrečy prezident ZŠA Donald Tramp zajaviŭ, što Ukrainie varta jak maha chutčej sieści za stoł pieramoŭ z Rasijaj. Prezident Ukrainy Uładzimir Zialenski, u svaju čarhu, vykazaŭ nadzieju, što pieramoŭny praces z udziełam ZŠA i RF nie budzie zapavoleny z-za źmianieńniaŭ u składzie rasijskaj delehacyi.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary