Rasija stavić Armienii ultymatum — da śniežnia vyznačycca z refierendumam
Namieśnik ministra zamiežnych spraŭ Rasii Michaił Hałuzin zajaviŭ, što da śniežnia Armienija pavinna vyznačycca z pytańniem praviadzieńnia refierendumu ab vybary pamiž Jeŭrapiejskim sajuzam i Jeŭrazijskim ekanamičnym sajuzam.
Pavodle słoŭ rasijskaha namieśnika ministra, kali Jerevan nie prymie rašeńnie ab refierendumie, kiraŭniki JEAES u śniežni ŭličać heta pry vypracoŭcy dalejšych sumiesnych dziejańniaŭ u dačynieńni da Armienii. Taksama im pavinny pradstavić acenku mahčymych nastupstvaŭ vychadu krainy ź JEAES.
Premjer-ministr Armienii Nikoł Pašynian raniej zajaŭlaŭ, što pravodzić refierendum da atrymańnia krainaj statusu kandydata na ŭstupleńnie ŭ ES niama sensu. Na jaho dumku, armianskija hramadzianie pavinny vybirać pamiž JEAES i realnaj alternatyvaj, a pakul status kandydata nie atrymany, takoj alternatyvy niama.
Rasijski bok prapanuje pastavić pytańnie pierad armianskimi vybarščykami ŭžo ciapier — ci hatovyja jany admovicca ad členstva ŭ JEAES dziela pierśpiektyvy ŭ budučyni dałučycca da ES.
Adnačasova Maskva patrabuje ad Jerevana adnavić finansavańnie Arhanizacyi Damovy ab kalektyŭnaj biaśpiecy. Hałuzin zajaviŭ, što admova Armienii ŭdzielničać u pracy ADKB i padpisvać rašeńni arhanizacyi nie vyzvalaje jaje ad abaviazku płacić členskija ŭnioski.
Rasijski dypłamat taksama papiaredziŭ, što Rada kalektyŭnaj biaśpieki ADKB moža abmiežavać paŭnamoctvy Armienii. Adpaviednaje pytańnie płanujecca razhledzieć 11 listapada ŭ Maskvie. Siarod mahčymych mier — pazbaŭleńnie Armienii prava hołasu i mahčymaści vyłučać svaich pradstaŭnikoŭ na kvotnyja pasady ŭ arhanizacyi.
Armienija faktyčna zamaroziła svoj udzieł u ADKB jašče ŭ lutym 2024 hoda. U mai taho ž hoda Jerevan admoviŭsia finansavać pracu arhanizacyi, arhumientujučy heta tym, što ADKB nie akazała Armienii nieabchodnaj dapamohi padčas kanfliktu z Azierbajdžanam vakoł Nahornaha Karabacha.
U 2026 hodzie Maskva ŭžo nieadnarazova zajaŭlała pra mahčymaść pakarać Armieniju za zapazyčanaść pierad ADKB. U červieni kiraŭnik MZS Rasii Siarhiej Łaŭroŭ kazaŭ, što krainy arhanizacyi mohuć vykarystać adpaviednyja pałažeńni jaje statuta.
Adnosiny pamiž Maskvoj i Jerevanam apošnim časam istotna pahoršylisia na fonie pieraaryjentacyi Armienii na Jeŭropu. Pašynian usio bolš adkryta vystupaje za zbližeńnie ź ES i krytyčna vykazvajecca adnosna Rasii. U mai jon nie pajechaŭ u Maskvu na parad 9 maja i zajaviŭ, što Armienija nie padtrymlivaje Rasiju ŭ vajnie suprać Ukrainy.
U adkaz rasijskija ŭłady pačali ŭvodzić abmiežavańni na pastaŭki niekatorych armianskich tavaraŭ. Uładzimir Pucin taksama zaklikaŭ Armieniju vyznačycca sa svaim źniešniepalityčnym kursam praz refierendum i papiaredžvaŭ Jerevan pra mahčymyja nastupstvy zbližeńnia ź Jeŭrasajuzam, spasyłajučysia na prykład Ukrainy.
Pašynian iranična pryhadaŭ Łukašenku słovy pra «niepatrebnych armian»
Pucin zaklikaŭ Armieniju pravieści refierendum ab členstvie ŭ ES
Jeŭrasajuz płanuje admianić myty na bolšaść pradukcyi z Armienii
Pašynian publična nazvaŭ adnaho sa svaich apanientaŭ «prabiełaruskim aliharcham»
U Rasii praciahvajuć šukać, čym jašče možna ŭkałoć Armieniju
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach5
Kamientary