U školnych stałoŭkach płanujecca pradavać mieniej smažanak, picaŭ i sasisak u cieście. Takija stravy buduć prapanoŭvacca nie čaściej čym dva razy na tydzień. Prynamsi, taki paradak praduhledžany ŭ prajekcie źmienaŭ u hihijeničnyja narmatyvy, padrychtavanym uradam.
Asnoŭnaja meta novaha prajekta źmienaŭ hihijeničnych normaŭ — nakiravać bufiety na prodaž bolš karysnych praduktaŭ. Pavodle jaho, dzieci zmohuć atrymlivać śviežuju sadavinu, aharodninu i sałaty, małočnyja i kisłamałočnyja pradukty, roznyja syry, a taksama stravy z morapraduktaŭ.
Siarod napojaŭ płanujecca prapanoŭvać soki, kampoty z žuravin, šypšyny abo suchafruktaŭ. U jakaści pierakusaŭ — arechi biez soli (akramia syrnaha arachisa), suchafrukty, chlebcy i suchija śniadanki. Taksama buduć chałodnyja stravy ź miasa i ryby. Dla amataraŭ chatniaj ježy bufiety prapanujuć mahčymaść razahreć svaju ježu.
Prajekt pastanovy znachodzicca na hramadskim abmierkavańni da 12 vieraśnia. Usie achvotnyja mohuć vykazać svajo mierkavańnie na Pravavym forumie.
Kamientary