U sadovym tavarystvie sajuza biełaruskich piśmieńnikaŭ «Uzhorje-2» vystavili na prodaž dačny dom, u jakim žyŭ biełaruski piśmieńnik Aleś Bačyła, zaŭvažyła vydańnie Realt.by.
Sadovaje tavarystva «Uzhorje-2» znachodzicca za 17 kiłamietraŭ ad Minska ŭ Maładziečanskim napramku i za čatyry kiłamietry ad Zasłaŭja. Ź Minska tudy chodzić maršrutka i aŭtobus ad stancyi mietro «Puškinskaja». Ad doma prypynak za dziesiać chvilin chady.
Tavarystva raźmiaščajecca na horcy i akružana lesam. Dva razy na tydzień tudy pryjazdžaje aŭtałaŭka. Darohu da tavarystva čyściać i zimoj, niekatoryja susiedzi žyvuć tut kruhły hod. Uvieś siezon pracuje i krama.
Dača, vystaŭlenaja na prodaž, dvuchpaviarchovaja. Na pieršym paviersie — dva pakoi i kuchnia. Druhi pavierch mansardny, tam treba rabić ramont. Ahulnaja płošča — 56 kvadratnych mietraŭ. Dom sa zruba. Vada tut siezonnaja, a aciapleńnie piačnoje.
Płošča ŭčastka — 4,28 sotki. Na im vysadžany hazon. Jość letniaja kuchnia.
Ahient, jaki zajmajecca prodažam, kaža, što heta dača Alesia Bačyły — biełaruskaha piśmieńnika, jaki naradziŭsia ŭ 1918‑m i pamior u 1983 hodzie. Aleś Bačyła byŭ zasłužanym dziejačam kultury BSSR, jon viadomy jak paet, prazaik, dramaturh, pierakładčyk i redaktar. Biełarusy mohuć viedać aŭtara pa vieršach, jakija vučyli ŭ škole, a jašče mienavita Bačyła — aŭtar znakamitaj pieśni «Radzima maja darahaja», jakaja adzin čas navat pretendavała na rolu dziaržaŭnaha himna.
Dača biełaruskaha piśmieńnika vystaŭlena na prodaž za 20 tysiač dalaraŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary