Małady mahiloviec kasiŭ ad vojska na radzimie, a ŭ vyniku pajšoŭ vajavać za Rasiju i źnik. Maci spadziajecca, što chacia b u pałonie
«Padkažycie, kali łaska! Ja ź Biełarusi, syn źnik bieź źviestak. Kudy źviartacca? Ci praŭda, što treba ŭ Čyrvony Kryž, kab jany jaho šukali siarod pałonnych? Padkažycie, kali łaska!» — haruje pa telehram-čatach maci 23‑hadovaha Uładzisłava Tarasienki z Mahilova, dałučajučy jaho bravaje fota ŭ vajskovaj formie.
Maci Alena šukaje svajho syna Uładzisłava. Chłopiec apošni raz byŭ na suviazi jašče 29 studzienia 2026 hoda, a paśla taho — cišynia. Kab pavialičyć imaviernaść apaznańnia, žančyna dałučaje fota svajho syna ŭ kamuflažnaj formie, a taksama skrynšot jaho žyvoha z kružočka ŭ telehramie.
Chłopiec jašče zusim małady, jon naradziŭsia ŭ listapadzie 2002.
Praŭda, pryhody ŭ jaho pačalisia dastatkova rana. Pa dadzienych Belpol, jašče da taho, jak Uładzisłavu spoŭniłasia 18 hadoŭ, jon zarabiŭ pieršuju sudzimaść — vyciahnuŭ z čužoha stareńkaha Volvo akumulatar i mahnitołu. Ułaśnik acaniŭ škodu ŭ 200 rubloŭ. Na paŭnalećcie Uładzisłaŭ zarabiŭ druhuju kryminałku — kali staŭ biehać ad vajenkamata.
Što pryviało idejnaha kasilščyka ad vojska na vajnu suprać Ukrainy nieviadoma. Słužyŭ chłopiec, pa infarmacyi maci, u v/č 42091, 2 rocie.
V/č 42091 — heta 108‑j hvardziejski desantna-šturmavy połk, abo jašče «Kubanski kazačy». Połk prymaŭ udzieł u zadušeńni Vienhierskaha paŭstańnia (1956) i Čechasłavackich vystupleńniaŭ (1968), udzielničaŭ u interviencyi ŭ Hruziju, a ciapier zakidvaje miasam ukrainskija pazicyi.
U 2022‑m hodzie Ukraina likvidavała tahačasnaha kamandzira pałka, pałkoŭnika Vitalija Sukujeva.
Straty pałka va Ukrainie katastrafičnyja, tamu što jaho bajcy naŭprost iduć u samazabojčyja ataki na ŭkrainskija pazicyi. Štodnia hinuć sotni takich voś uładzisłavaŭ. U telehram-čacie dla svajakoŭ pałka pa niekalki razoŭ na dniu źjaŭlajucca novyja paviedamleńni ab pošuku źnikłych va Ukrainie najomnikaŭ.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary