Малады магілёвец касіў ад войска на радзіме, а ў выніку пайшоў ваяваць за Расію і знік. Маці спадзяецца, што хаця б у палоне
«Падкажыце, калі ласка! Я з Беларусі, сын знік без звестак. Куды звяртацца? Ці праўда, што трэба ў Чырвоны Крыж, каб яны яго шукалі сярод палонных? Падкажыце, калі ласка!» — гаруе па тэлеграм-чатах маці 23‑гадовага Уладзіслава Тарасенкі з Магілёва, далучаючы яго бравае фота ў вайсковай форме.
Маці Алена шукае свайго сына Уладзіслава. Хлопец апошні раз быў на сувязі яшчэ 29 студзеня 2026 года, а пасля таго — цішыня. Каб павялічыць імавернасць апазнання, жанчына далучае фота свайго сына ў камуфляжнай форме, а таксама скрыншот яго жывога з кружочка ў тэлеграме.
Хлопец яшчэ зусім малады, ён нарадзіўся ў лістападзе 2002.
Праўда, прыгоды ў яго пачаліся дастаткова рана. Па дадзеных Belpol, яшчэ да таго, як Уладзіславу споўнілася 18 гадоў, ён зарабіў першую судзімасць — выцягнуў з чужога старэнькага Volvo акумулятар і магнітолу. Уласнік ацаніў шкоду ў 200 рублёў. На паўналецце Уладзіслаў зарабіў другую крыміналку — калі стаў бегаць ад ваенкамата.
Што прывяло ідэйнага касільшчыка ад войска на вайну супраць Украіны невядома. Служыў хлопец, па інфармацыі маці, у в/ч 42091, 2 роце.
В/ч 42091 — гэта 108‑й гвардзейскі дэсантна-штурмавы полк, або яшчэ «Кубанскі казачы». Полк прымаў удзел у задушэнні Венгерскага паўстання (1956) і Чэхаславацкіх выступленняў (1968), удзельнічаў у інтэрвенцыі ў Грузію, а цяпер закідвае мясам украінскія пазіцыі.
У 2022‑м годзе Украіна ліквідавала тагачаснага камандзіра палка, палкоўніка Віталія Сукуева.
Страты палка ва Украіне катастрафічныя, таму што яго байцы наўпрост ідуць у самазабойчыя атакі на ўкраінскія пазіцыі. Штодня гінуць сотні такіх вось уладзіславаў. У тэлеграм-чаце для сваякоў палка па некалькі разоў на дню з'яўляюцца новыя паведамленні аб пошуку зніклых ва Украіне наёмнікаў.
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
-
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам3
Каментары