USU atakavali dronami avijacyjny zavod u Smalensku padčas vizitu Miadźviedzieva
Pavodle infarmacyi ŭkrainskich resursaŭ, mienavita jon i staŭ cellu ataki.
Ukrainskija bieśpiłotniki ŭviečary 26 sakavika atakavali Smalenskuju vobłaść, paviedamiŭ hubiernatar Vasil Anochin u svaim telehram-kanale.
Pavodle jaho danych, siły SPA i avijacyja źbili šeść dronaŭ, paśla čaho da miescaŭ padzieńnia abłomkaŭ byli nakiravany padraździaleńni apieratyŭnych słužbaŭ. Ranicaj kiraŭnik rehijona napisaŭ, što ŭnačy było siem BPŁA: «Paciarpiełych i razbureńniaŭ niama», — zapeŭniŭ jon.
Nalot dronaŭ USU adbyvaŭsia ŭ toj ža dzień, kali, pavodle paviedamleńniaŭ Anochina i miascovych vydańniaŭ, rehijon naviedaŭ namieśnik staršyni Savieta biaśpieki RF Dźmitryj Miadźviedzieŭ, jaki prainśpiektavaŭ vykanańnie dziaržaŭnaha abaronnaha zakazu, piša Moscow Times.
Na «abaronku» ŭ vobłaści, u pryvatnaści, pracuje avijacyjny zavod u Smalensku («Smalenski avijacyjny zavod» (SmAZ)), jaki ŭvachodzić u karparacyju «Taktyčnaje rakietnaje ŭzbrajeńnie» i jaki, vierahodna, naviedvaŭ Miadźviedzieŭ.
Pavodle infarmacyi ŭkrainskich resursaŭ, mienavita jon i staŭ cellu ataki.
«Siły abarony nanieśli ŭdar pa Smalenskim avijacyjnym zavodzie», — paviedamlajuć jany.
Hetuju infarmacyju paćviardžajuć i inšyja krynicy, adznačajučy, što da zavoda, jaki, pavodle danych śpiecsłužbaŭ Ukrainy, vyrablaje kryłatyja rakiety i BPŁA, prybyli taksama mašyny «chutkaj dapamohi», a pierad prybyćciom apieratyŭnych słužbaŭ u horadzie čuli niekalki vybuchaŭ.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami53
Kamientary
Uvohule składajecca ŭražańnie što dalokabojnyja ŭdary Ukryiny realna stali bolš masavymi i efiektyŭniejšymi. Chutka na rasii skončacca usie fabryki i zavody,a drony nie skončacca nikoli.)