28 sakavika ad 16‑j pavodle polskaha času (ad 18‑j pavodle biełaruskaha) biełarusy ŭ Varšavie sabralisia na placy Troch Kryžoŭ. Adtul jany pajšli šeściem na Zamkavy plac, dzie zapłanavany mitynh i kirmaš z nahody Dnia Voli, paviedamlaje «Biełsat».
A 16‑j hadzinie pačaŭsia zbor na płoščy Troch Kryžoŭ — kala kaścioła śviatoha Alaksandra. Hetaje miesca znajomaje biełaruskim katalikam: tut pravodziać słužby śpiecyjalna dla biełarusaŭ.
Udzielniki maršu vyjšli z płakatami z patrabavańniem vyzvalić palitviaźniaŭ Mikitu Jemialjanava, Alaksandra Franckieviča, Luboŭ Rezanovič, Uładzimira Hundara i inšych viaźniaŭ sumleńnia.
Z płoščy Troch Kryžoŭ šeście, u jakim uziali ŭdzieł niekalki sotniaŭ čałaviek, pajšło pa varšaŭskim Novym Śviecie da Zamkavaha placa.
Padčas marša biełarusy raściahnuli ściah daŭžynioj 330 mietraŭ.
Siarod inšych udzieł u šeści uziała Śviatłana Cichanoŭskaja — jana zapisała karotkaje videavinšavańnie prosta na maršy.
Viečaram na Zamkavaj płoščy płanujucca vialiki kancert biełaruskich muzykaŭ, vystupy palitykaŭ i aktyvistaŭ, a taksama śviatočny kirmaš z pracami biełaruskich majstroŭ, knihami i dranikami ad palitviaźniaŭ.
Pierad udzielnikami mitynhu vystupiać muzyki, u tym liku viadoŭca «Biełsatu» Kaciaryna Vadanosava sa svaim hurtom. Taksama anansavali vystupy hurta Shuma i Volnaha choru.
Uvohule ž sustrečy i imprezy, pryśviečanyja Dniu Volu, pačalisia ŭ roznych krainach i haradach jašče 21 sakavika. U Vilni šeście miascovych biełarusaŭ prajšło ŭviečary 25 sakavika.
U Varšavie siońnia vialiki Marš da Dnia Voli, paniasuć 330‑mietrovy bieł-čyrvona-bieły ściah
Jak biełarusy ŭ Vilni adznačyli Dzień Voli ŠMAT FOTA
U Varšavie Pałac kultury i navuki padśviacili bieł-čyrvona-biełymi kolerami FOTAFAKT
«Svaboda patrebna ŭsim jeŭrapiejskim narodam biez vyklučeńnia». Zialenski pa-biełarusku pavinšavaŭ biełarusaŭ z Dniom Voli
«Kali b vam udałosia tady adbicca, našy narody byli b siońnia razam u ES». Litoŭskaja jeŭradeputatka pavinšavała biełarusaŭ pa-biełarusku
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary