«Svaboda patrebna ŭsim jeŭrapiejskim narodam biez vyklučeńnia». Zialenski pa-biełarusku pavinšavaŭ biełarusaŭ z Dniom Voli
Prezident Ukrainy Uładzimir Zialenski apublikavaŭ u sacsietcy Ch vinšavańnie biełarusaŭ z hałoŭnym nacyjanalnym śviatam — Dniom Voli. Prytym zrabiŭ heta pa-biełarusku.
«Siońnia dzień, jaki viedaje kožny biełarus, — Dzień Voli. I heta dzień naroda, jaki jašče musić vypakutavać i zdabyć dla siabie sapraŭdnuju niezaležnaść i realnuju biaśpieku.
Biełaruś prajšła niaprostyja pavaroty historyi, i toje, što ŭvahi Jeŭropy dla Biełarusi nie chapiła ŭ klučavyja momanty, — heta fakt. Ale Biełaruś nielha hublać. I dakładna nie varta pakidać pa-za ŭvahaj narod Biełarusi.
Toje, što Łukašenka abraŭ mienavita hety dzień dla pajezdki ŭ Pchieńjan — dalej ad svajho naroda i bližej da svajoj mary pra pažyćciovuju siamiejnuju ŭładu, — vielmi krasamoŭna śviedčyć pra jahonyja namiery.
Jeŭropa — heta supolnaść volnych narodaŭ. Tut nie pavinna być miesca spadčynnym dyktaturam. Tut nie pavinna być miesca režymam, jakija zarablajuć handlem suvierenitetam i dapamohaj u terory dy ahresijach.
Śvietu patrebny mir. A značyć, svaboda patrebna ŭsim jeŭrapiejskim narodam biez vyklučeńnia. Žadajem voli biełaruskamu narodu i dziakujem tym biełarusam, jakija stajać pobač z ukraincami ŭ abaronie ad rasijskaj ahresii.
Žyvie Biełaruś!», — napisaŭ Uładzimir Zialenski.
U Viarchoŭnaj Radzie Ukrainy pavinšavali biełarusaŭ z Dniom Voli
Prezident Litvy pavinšavaŭ biełarusaŭ z Dniom Voli: «Vaša rašučaść i stojkaść natchniajuć»
«My abaviazkova budziem śviatkavać hety dzień doma». Cichanoŭskaja pavinšavała biełarusaŭ z Dniom Voli
Vizit Cichanoŭskaj u Kijeŭ adkłali na niavyznačany termin
Kamientary
(Pryčym tut fota Cichanoŭskaj? Lepiej dadajcie fota biełaruskich dabraachvotnikaŭ.
Bo ŭ tekście pramovy spadara Zialenskaha padziaka tym, chto:
"Žadajem voli biełaruskamu narodu i dziakujem tym biełarusam, jakija stajać pobač z ukraincami ŭ abaronie ad rasijskaj ahresii".