Łukašenka zaklikaŭ krainy, jakija znachodziacca pad sankcyjami, jadnacca
Alaksandr Łukašenka padčas spravazdačy ŭrada za 2025 hod vykazaŭsia za abjadnańnie dziaržaŭ, jakija sutyknulisia z ekanamičnym ciskam. Pavodle jaho słoŭ, siońnia pad pramymi sankcyjami znachodziacca ŭžo 50 krain śvietu.
«Pad pramymi sankcyjami siońnia ŭžo 50 krain śvietu. Druhasny efiekt tyčycca ŭžo, napeŭna, socień dziaržaŭ. I voś Ministerstva zamiežnych spraŭ Rasii źviarnułasia da mianie jak da staršyni Vyšejšaha dziaržaŭnaha savieta [Sajuznaj dziaržavy], kab my razhledzieli pytańnie, i niejak usie, chto pad sankcyjami, abjadnalisia. Uhavaryli jašče i Kitaj. Uhavorvać jaho nie treba, jon razumieje, što nastupnym budzie jon», — zajaviŭ jon.
Łukašenka ŭpeŭnieny, što demanstracyja sumiesnaj siły i mocy prymusić inicyjataraŭ sankcyj admovicca ad svajoj palityki.
«Kali my abjadnajemsia i damovimsia, spałochajucca tyja, chto ŭviali suprać nas sankcyi», — upeŭnieny jon.
Kamientary