Hipiermarkiet pravieryła sanitarnaja słužba.
Minčanka vykłała ŭ sietku fota sapsavanaj smažanaj ryby ŭ paniroŭcy, paśla čaho ŭ hipiermarkiet Green na vuł. Prytyckaha, 156, pryjšła pravierka, pišuć Minsk-naviny.
«Hryn, Kamiennaja horka. Heta było 11 lutaha a dziaviataj viečara. Budźcie aściarožnyja», — koratka apisała dziaŭčyna fatahrafiju z kavałkami pryhatavanaj ryby, na jakich bačna ćvil.
Post vyklikaŭ rezanans: jaho pahladzieli amal 120 tys. razoŭ, pad im pakinutyja dziasiatki kamientaryjaŭ. Bolš za 50 razoŭ infarmacyju pierasyłali inšym karystalnikam.
Kamientatary padzialilisia svaimi historyjami padobnych pakupak, vykłaŭšy fota sapsavanych praduktaŭ. Mnohija ličać, što kulinaryju i zusim nie varta kuplać, tym bolš na adkrytych placoŭkach.
Post i fatahrafii trapili ŭ centr hihijeny i epidemijałohii Frunzienskaha rajona:
— U chodzie vyvučeńnia abstavinaŭ, raźmieščanych u sacyjalnaj sietcy, paćvierdžany fakt realizacyi 11 lutaha ŭ vyšejzhadanaj kramie niajakasnaj rybnaj pradukcyi, — raspaviali śpiecyjalisty. — Za parušeńnie patrabavańniaŭ zakanadaŭstva ŭ halinie zabieśpiačeńnia sanitarna-epidemijałahičnaha dabrabytu nasielnictva ŭ dadzienym pradpryjemstvie handlu pryniaty miery ŭ adpaviednaści z zakanadaŭstvam Respubliki Biełaruś.
-
Biełaruski źniavoleny mała taho, što stres hrošy z Rasii za ŭmovy ŭtrymańnia ŭ SIZA, dyk jašče i vybiŭ kampiensacyju za doŭhaje čakańnie tych hrošaj
-
U centry Minska matacyklist žorstka ŭrezaŭsia ŭ aŭto — ažno pieralacieŭ mašynu VIDEA
-
U Miunchienie biełarus, ukrainiec i niemiec u maskach i sa zbrojaj abrabavali minaka. Užo praz vosiem chvilin ich aryštavali
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary