Padrabiaznaści napadu padletkaŭ ź bitaj i pistaletami na katedž u Smalavickim rajonie
Śledčyja pracujuć na miescy zdareńnia pa fakcie ŭzbrojenaha napadu ŭ Smalavickim rajonie.
U chodzie razmovy ź ministram unutranych spraŭ Ivanam Kubrakovym zatrymanyja raspaviali, što atrymali prapanovu ab padpracoŭcy ŭ telehramie. Zamiežnikam zahadali prybyć u Budahova Smalavickaha rajona, znajści dom achviary, źbić mužčynu i dasłać videaspravazdaču zakazčyku.
Za vykananuju pracu abiacali 300 tysiač rubloŭ. Imavierna, heta ŭ rasijskich rublach, ale MUS nie ŭdakładniaje.
Troje maładych ludziej va ŭzroście 17 i 18 hadoŭ pryjechali ŭ Minsk, uzbroiŭšysia nažom, kastetam, bitaj, pistaletami, hazavym bałončykam, uziali karšerynhavy aŭtamabil i nakiravalisia dla vykanańnia zadańnia.
Vykarystoŭvajučy fizičnuju siłu, bitu i pistalety, jany nanieśli šmatlikija traŭmy 63‑hadovamu haspadaru, jaho 65‑hadovaj žoncy i 67‑hadovamu bratu.
U domie była tryvožnaja knopka Departamienta achovy MUS. Haspadar doma paśpieŭ jaje nacisnuć pierad raźbićciom akna.
Supracoŭniki milicyi, jakija apieratyŭna prybyli na miesca, zabłakavali dom i adrazu zatrymali dvuch napadnikaŭ.
Treci pasprabavaŭ źbiehčy ź pistaletam, ale byŭ zatrymany na terytoryi Smalavickaha rajona.
«Ja jechaŭ z pracy ranicaj sa źmieny, užo milicyja jechała nasustrač. Susiedzi jak susiedzi, jany na toj vulicy žyvuć, a my na hetaj. Tam mašyna časta stajała na rasijskich numarach, my ž nie viedajem, tam pryjechali svajaki, siabry ci chto», — raskazaŭ žurnalistam susied.
Paciarpiełyja byli špitalizavanyja, ale ich užo adpuścili ź lakarni.
Na miescy zdareńnia pracuje śledča-apieratyŭnaja hrupa.
Kamientary