Stała viadoma, jaki prysud vynieśli palitviaźniu Maksimu Siamitku
Stała viadoma, jaki prysud vynieśli 31‑hadovamu žycharu Kalinkavičaŭ Maksimu Siamitku, pra jakoha my pisali raniej.
Rašeńnie pryniaŭ Viciebski abłasny sud, pryznaŭšy jaho vinavatym u nibyta «sadziejničańni ekstremisckaj dziejnaści» pavodle častak 1 i 2 artykuła 361‑4 Kryminalnaha kodeksa. Naprykancy studzienia prysud ustupiŭ u zakonnuju siłu, a Ministerstva ŭnutranych spraŭ uklučyła Siamitku ŭ pieralik asob, nibyta datyčnych da «ekstremisckaj dziejnaści».
Pravaabaroncy «Homielskaj Viasny» vyśvietlili, što Maksima Siamitku prysudzili da troch hadoŭ abmiežavańnia voli z nakiravańniem u papraŭčuju ŭstanovu. Dakładnaje miesca jaho ŭtrymańnia pakul nieviadomaje.
Miarkujecca, što pieraśled moža być źviazany sa spravaj telehram-kanała «Biełaruski Hajun», jaki zajmaŭsia manitorynham pieramiaščeńniaŭ rasijskich vojskaŭ u Biełarusi pierad i padčas vajny suprać Ukrainy. Maksima Siamitku zatrymali amal hod tamu, nieŭzabavie paśla taho, jak stała viadoma pra ŭzłom telehram-kanała.
Maksim Siamitka naradziŭsia 8 studzienia 1995 hoda. Rodam jon z Homielščyny — vučyŭsia ŭ škole №2 u Naroŭli, paźniej žyŭ u Mazyry i Kalinkavičach.
Padčas naboru ŭ armiju Siamitka trapiŭ u elitnaje padraździaleńnie — rotu hanarovaj varty, jakaja ŭdzielničaje va ŭračystych mierapryjemstvach dziaržaŭnaha ŭzroŭniu. Tudy biaruć tolki chłopcaŭ vysokaha rostu z pravilnymi rysami tvaru. Miarkujučy pa sacsietkach, Maksim pajšoŭ na dembiel u 2016 hodzie.
Paśla vojska Maksim pajšoŭ pracavać u milicyju. Ź lipienia 2016 hoda jon słužyŭ u Departamiencie achovy MUS. Siamitka byŭ milicyjanieram-kiroŭcam u śpiecyjalnym bataljonie, słužba jakoha źviazana z achovaj dypłamatyčnych pradstaŭnictvaŭ. U 2019‑m dasłužyŭsia da zvańnia staršaha siaržanta milicyi.
Dakładna nie viadoma, dzie jon pracavaŭ apošnim časam.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary