Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Abjadnany pierachodny kabiniet pryniaŭ pastanovu №25 «Ab biełaruskim partyzanska-supraciŭnym ruchu», u jakoj prapanujuć pryznačyć piensiju i ilhoty ŭdzielnikam hetaha ruchu i ich svajakam u vypadku śmierci zmaharoŭ.
Namieśnik kiraŭnicy Abjadnanaha pierachodnaha kabinieta Pavieł Łatuška zajaviŭ, što takoj pastanovaj «Kabiniet pakazvaje, jak lubaja zdarovaja dziaržava pavinna pavodzić siabie ŭ dačynieńni da tych, chto za jaje zmahajecca. Ad siabie chaču dadać jašče adnu važnuju reč. Tysiačy biełarusaŭ i biełarusak prajšli albo niezakonna znachodziacca ŭ turmach režymu Łukašenki. Źjaŭlajucca palitviaźniami. Heta pravaabarončy status. Pastanova Kabinieta, jak protadziaržaŭnaha instytutu, u svaju čarhu faktyčna nadaje hetym ludziam dadatkovy status, adpaviedny ich važnaj histaryčnaj i hramadska-palityčnaj roli ŭ žyćci Respubliki Biełaruś. I biare na siabie abaviazak nie tolki zafiksavać jaje na budučyniu, ale ŭžo siońnia, zaraz zmahacca za svabodu kožnaha i kožnaj ź ich dastupnymi nam srodkami, u tym liku praź mižnarodny i sankcyjny cisk».
Pradstaŭnik pa abaronie i nacyjanalnaj biaśpiecy APK Vadzim Kabančuk zaznačaje, što ruch supracivu byŭ rozny i evalucyjanavaŭ.
«Byli takija hrupy jak «rejkavyja partyzany», hrupy Alinieviča, «Čornyja sałaŭi». My źviartajem uvahu na ŭsie hrupy patryjotaŭ, niezaležna ad instrumientaŭ baraćby, vykarystanych imi. My padkreślivajem, što cenim toj uniosak ludziej i ich achviarnaść. Historyja i čas usio rastaviać na svaje miescy. Hetyja chłopcy i dziaŭčaty ŭvojduć u padručniki pa historyi Biełarusi jak hieroi», — kaža Vadzim Kabančuk.
Pa słovach pradstaŭnicy pa sacyjalnaj palitycy Volhi Zazulinskaj, dakumient zadaje asnovu dla dalejšaj pracy, u jaho miežach buduć vypracoŭvacca kankretnyja i realistyčnyja miechanizmy sacyjalnaj dapamohi, reabilitacyi i harantyj. Pastanova ŭličvaje i siemji zahinułych. «Heta pytańnie spraviadlivaści i čałaviečaj salidarnaści, bieź jakich niemahčyma budavać novuju Biełaruś», — dadała jana.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
"Artykuł 7. Dziaržaŭnaja mova
Pytańnie ab dziaržaŭnaj movie (movach) budzie pastaŭlena asobna na Nacyjanalnym refierendumie. "
Cudoŭna. Pytańniaŭ niama. Davaj daśvidańja.