Minabarony RF upieršyniu pryznała ŭdary pa Rasii novymi ŭkrainskimi rakietami «Fłaminha»
Minabarony RF paviedamiła, što jany źbili za sutki piać ukrainskich rakiet «Fłaminha».
Rasijskaje vajennaje viedamstva ŭpieršyniu aficyjna paćvierdziła, što Ukraina pačała vykarystoŭvać dla ŭdaraŭ u hłyb Rasii svaje najnoŭšyja kryłatyja rakiety «Fłaminha».
U siońniašniaj zvodcy paviedamlajecca, što rasijskaja SPA za sutki źbiła piać takich rakiet. Takoje adbyłosia ŭpieršyniu, choć Kijeŭ jašče ŭ studzieni zajaŭlaŭ ab paśpiachovych puskach pa palihonie «Kapuścin Jar».
Hetym razam cellu ataki staŭ vializny vajenny arsienał u rajonie Katłubani, što ŭ Vałhahradskaj vobłaści. Heta adzin z najbujniejšych składaŭ bojeprypasaŭ rasijskaj armii. Ad terytoryi, jakuju kantraluje Ukraina, da hetaha składa kala 500 kiłamietraŭ.
Hienštab USU paćvierdziŭ, što ŭdar byŭ naniesieny mienavita rakietami «Fłaminha». Na videazapisach ź miesca zdareńnia vidać maštabnyja vybuchi, a miascovyja ŭłady byli vymušanyja terminova evakujavać žycharoŭ pasiołka. Hubiernatar vobłaści zajaviŭ, što ŭsie rakiety nibyta źbili, a pažar pačaŭsia z-za «padzieńnia abłomkaŭ» na terytoryju vajskovaj častki.
Što ž heta za «Fłaminha»? Heta ŭkrainskaja raspracoŭka, pra jakuju ŭpieršyniu hučna zahavaryli letam 2025 hoda. Samaje ŭražlivaje ŭ joj — dalokaść. Raspracoŭščyki śćviardžajuć, što rakieta moža lacieć bolš čym na 3 tysiačy kiłamietraŭ. To-bok pad udaram moža apynucca praktyčna ŭsia jeŭrapiejskaja častka Rasii až da Urała.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać31
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary