Eks-hiensak NATA zaklikaŭ jeŭrapiejskija aŭtazavody vypuskać zamiest aŭtamabilaŭ tanki
Były hienieralny sakratar NATA i były premjer-ministr Danii Anders Foh Rasmusen u intervju ispanskamu vydańniu El Pais zajaviŭ, što Jeŭropa pavinna pieravieści svaju ekanomiku na «vajskovyja rejki» i vykarystoŭvać praźmiernyja mahčymaści aŭtamabilnych zavodaŭ dla vytvorčaści ŭzbrajeńniaŭ.
Pa słovach Rasmusena, u Jeŭropie jość vytvorcy transpartu ź lišnimi mahutnaściami, jakija mahli b zamiest vytvorčaści niepapularnych aŭtamabilaŭ pieraklučycca na tanki, samaloty, karabli i bojeprypasy, jak heta zrabili ZŠA ŭ 1941 hodzie. Jon adznačyŭ, što havorka idzie pra samabarončy patencyjał, a nie pra ahresiju.
Palityk padkreśliŭ, što prablema Jeŭropy nie ŭ padrychtoŭcy vajskovaha kamandavańnia, a ŭ niedastatkovym zabieśpiačeńni i vytvorčych mahčymaściach. Jon ličyć, što Jeŭropie nieabchodna paskoryć vytvorčaść stratehična važnych materyjałaŭ i ŭzbrajeńniaŭ, bo harantyj dapamohi z boku ZŠA ciapier niama.
Eks-hiensak NATA taksama prakamientavaŭ zajavy prezidenta ZŠA Donalda Trampa nakont Hrenłandyi. Jon nazvaŭ pahrozu vajennych dziejańniaŭ suprać sajuźnika dziela terytoryi «žachlivaj» i adznačyŭ, što Jeŭropa adreahavała «pravilna», pakazaŭšy ćviorduju pazicyju ŭ adnosinach da namieraŭ amierykanskaha prezidenta.
Tramp pra dapamohu ŭkraincam: Ja im ničoha nie daju, a krainy NATA kuplajuć uzbrajeńnie ZŠA za poŭnuju canu
Hiermanija naroščvaje vajskovuju moc i mianiaje bałans sił u Jeŭropie
Patreby NATA mianiajuć ekanomiku Jeŭropy. Ale jeŭrapiejskaj abaroncy nie chapaje šerahu krytyčna važnych praduktaŭ
Volkswagen moža pačać vytvorčaść vajskovych aŭtamabilaŭ
Tanki zamiest aŭtamabilaŭ. VPK zamianiaje aŭtapramysłovaść u jakaści hałoŭnaha ruchavika ekanomiki Hiermanii
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary