Kaleśnikava: Krym — ukrainski, Pucin pačaŭ vajnu, kiraŭnictva Biełarusi taksama vinavataje
Na sustrečy z žurnalistami ŭ Bierlinie byłaja palitźniavolenaja Maryja Kaleśnikava adkazała na vostryja śvietapohladnyja pytańni, va ŭchileńni ad adkazu na jakija jaje razam ź Viktaram Babarykam nie raz abvinavačvali, piša «Jeŭraradyjo».
«Krym adnaznačna ŭkrainski. Dla mianie heta zaŭsiody było dziŭnaje pytańnie, bo ja jašče 12 hadoŭ tamu na jaho adkazała dla siabie», — skazała Kaleśnikava.
Hetak ža adnaznačna jana adkazała i na pytańnie, chto vinavaty ŭ vajnie:
«Pucin napaŭ na Ukrainu. Bambili Kijeŭ. Ja sama heta bačyła ŭ navinach 24 lutaha ŭ turmie. Pucin pačaŭ vajnu, jon zabivaje ludziej — i svaich, i čužych ludziej. Heta absalutna cynična i niedapuščalna».
Što da saŭdziełu ŭ vajnie Łukašenki, to Maryja adkazała tak:
«Usie viedajuć, što ŭ pieršyja dni rasijskija vajskoŭcy zachodzili ŭ tym liku z boku Biełarusi. Ja liču, što treba było rabić što zaŭhodna, kab hetaha paźbiehnuć, kab hetaha nie adbyłosia».
I Łukašenka taho, što byŭ pavinien, jakraz nie zrabiŭ:
«Kazać, što kiraŭnictva [krainy] nie vinavataje — nie, jano vinavataje. U tym, što ciapier Biełaruś znachodzicca ŭ takim stanie i moža stracić suvierenitet. I heta ŭsio nastupstva hetaha paturańnia, dazvołu Pucinu dziejničać takim čynam na biełaruskaj terytoryi».
Śpiavak Ap$ent: U adroźnieńnie ad viasiołkavych poni kštałtu Kaleśnikavaj ja nikoli nie zabudu žeść 2020‑2022 hadoŭ
Kaleśnikava padziakavała za padtrymku i kiłavaty ciepłyni i śviatła, jakija jany adčuła ŭ apošnija dni
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
I voś pytańnie: heta narmalna, kali biełaruski palityk pieršyja intervju daje nie biełarusam, a niemcam i rasijaninu?
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała16
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Maša,
1. Rasieja - vorah?
2. Jakaja mova pavinna być dziaržaŭnaj na Biełarusi?
Hučyć pryhoža, ale ž jakija varyjanty byli b u inšaha prezidenta Biełarusi? Što b rabiła Kaleśnikava, kali b jana była na miescy Łuki? Pytańnie nie tearetyčnaje, a praktyčnaje.
Amataram razumieć śviet pavodle zajavaŭ i zahałoŭkaŭ usie ŭmovy vykananyja - i pra Krym, i Sieviaryniec słoŭca zakinuŭ, i chto pačaŭ vajnu, i chto pamočnikam...
Ci siońnia ŭžo dahadziła vam Kaleśnikava?
Ci jašče čaho nie staje?
)))