Viciebskija desantniki zrabili marš-kidok da ŭkrainskaj miažy. Kudy mienavita?
Biełaruskija dziaržaŭnyja ŚMI paviedamili pra toje, što 11 lutaha ŭ miežach «raptoŭnaj pravierki» va Uzbrojenych siłach «pablizu paŭdniovych rubiažoŭ» byŭ ździejśnieny marš-kidok na 360 km. Jon prachodziŭ «va ŭmovach uździejańnia ŭmoŭnaha praciŭnika: dyviersijna-raźviedvalnaj hrupy, bieśpiłotnych latalnych aparataŭ». «Fłahštok» daviedaŭsia, kudy mienavita byŭ nakiravany hety marš-kidok.
Na zdymkach z aficyjnych krynic zafiksavanyja jak minimum dva BTR biez apaznavalnych znakaŭ i śladoŭ praciahłaha ruchu pa šašy. Asabovy skład — u zimovych maskchałatach z apaznavalnymi paviazkami čyrvonaha i zialonaha koleraŭ.
Udakładniajecca, što vajskoŭcy 103‑j Viciebskaj pavietrana-desantnaj bryhady, dziažurnaha padraździaleńnia sa składu Sił nieadkładnaha reahavańnia, ździejśnili marš-kidok u pryznačany rajon na paŭdniovym uschodzie krainy.
Kankretnaja łakacyja była schavanaja, ale jaje ŭstanaviŭ «Fłahštok». Heta navučalny ŭmacavany rajon u Homielskim rajonie, viadomy jak «Linija Chrenina». Jon vieryfikujecca z dapamohaj fatahrafij.
Vystaŭlenyja zdymki schovišča dla braniatechniki, kuby dla stvareńnia ŭmacavańniaŭ, asfaltavaja šaša, pałasa supraćtankavych bietonnych piramid na fonie źmiešanaha lesu i elektryčnych pravadoŭ — usio heta jość u navučalnym umacavanym rajonie kala vioski Kalinina ŭ Homielskim rajonie. Pra isnavańnie inšych padobnych umacavańniaŭ u rehijonie infarmacyi niama.
Miesca prybyćcia techniki ŭskosna paćviardžaje i toje, što aŭtar apublikavanych fota — homielski ŭłasny karespandent BiełTA Siarhiej Chaładzilin.
Zadačaj vajskoŭcaŭ było «ŭzmacnieńnie ŭčastka dziaržaŭnaj miažy Respubliki Biełaruś na paŭdniovaj častcy». Zhodna z asnoŭnaj zadumaj, umoŭny praciŭnik praryvaje dziaržmiažu z prymianieńniem braniatankavaj techniki. U adpaviednaści ź lehiendaj, dziažurnaje padraździaleńnie svoječasova vyjaviła i abiasškodziła praciŭnika, nie dapuściŭšy jaho praryvu ŭhłyb krainy.
Charakterna, što vajskoŭcy 103‑j Viciebskaj asobnaj hvardziejskaj pavietrana-desantnaj bryhady Sił śpiecyjalnych apieracyj US RB z 2022 hoda vykonvajuć zadačy pa achovie byłoha vajskovaha aeradroma Ziabraŭka ŭ farmacie ratacyi. Na hetym abjekcie raźmieščanyja rasijskija siły SPA. Aeradrom raźmieščany prykładna za 10 kiłamietraŭ ad tak zvanaj «Linii Chrenina».
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»9
Kamientary
" ź niabiosaŭ na hlebu " ? Ci raźbili usiu cehłu ab svaju hałavu . Ci padryvali hałovy usim katam . Chiba łuchta, jak zaŭsiody ?)