Rašeńnie Alaksandra Łukašenki nie lacieć u Vašynhton nasamreč tłumačycca nie zakrytaściu jeŭrapiejskaj pavietranaj prastory, piša Mikoła Buhaj.
U Łukašenki «Boinh» 767‑300ER z radyusam palotu bolšym za 11 000 kiłamietraŭ. Anałahičnyja łajniery lotajuć z Maskvy na Kubu, u Havanu, adlehłaść tam 9600 km, raźličyŭ žurnalist Ihar Kulej. Da Vašynhtona — navat trochi bližej. Ziamla nie płoskaja, a kruhłaja. Tamu maršrut ź Biełarusi ŭ ZŠA praz Arktyku mahčymy.
Tamu rašeńnie Alaksandra Łukašenki nie lacieć — heta nie vynik sankcyj, jak elehantna patłumačyła Natalla Ejsmant, a prosta rašeńnie, jakoje ŭsich zadavalniaje. I amierykancaŭ, bo zaprasili, ale nie prylacić; i Maskvu, bo nie palacić; i Jeŭropu, bo nie palacić; i Łukašenku, bo zaprasili, a jon taki: «Sproba zaličanaja, ale vy pakul nie zasłužyli majoj prysutnaści».
Adnak takoje rašeńnie nie nazavieš sałamonavym. Na maju dumku, u hetym vypadku vasał nie moža sabie dazvolić być tam, dzie nie budzie haspadara. Niekatoryja ličać niadaŭniaje tryźnieńnie Słužby zamiežnaj raźviedki Rasii papiaredžańniem samomu Łukašenku. Rasija ličyć Biełaruś nie prosta častkaj svajoj zony ŭpłyvu, a svajoj asablivaj terytoryjaj, dla asablivych metaŭ, a samoha Łukašenku — čałaviekam dla asablivych daručeńniaŭ. Łukašenku davodzicca prymać takija praviły hulni.
Kamientary
Moža być usie banalna. Stan zdaroŭja. Jak my bačym jen vosieńniu rabiŭ vizity z Amana, jaki vykarystoŭvał jak chab dla adpačynku i jak "aeroport padskoku" . I Ryžankoŭ pra heta dakładna kazaŭ.
U napramku Amieryki takoha chabu niama, vakoł adny vorahi. :)
Lacieć na Zachad, dahaniučy sonca, tiažej. Dzied moža nie vytrymać.
Tamu niešta ŭ słovach Ejsmant jeść...