Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja
Alaksandru Łukašenku pastupiła zaprašeńnie na pieršuju sustreču lidaraŭ Rady miru, raskazała Natalla Ejsmant, piša BiełTA.
«Tak, zaprašeńnie na pieršuju sustreču lidaraŭ u ramkach Rady miru pryjšło, — zajaviła pres-sakratar Alaksandra Łukašenki Natalla Ejsmant. — Na žal, my atrymali jaho pozna, pracoŭny hrafik na hety pieryjad užo byŭ spłanavany. Tak, my z zadavalnieńniem naviedali b Złučanyja Štaty Amieryki, ale jość pytańni, jakija niemahčyma adkłaści, — zajaviła jana. — Akramia taho, my biarom pad uvahu i mahčymyja łahistyčnyja składanaści, jakija mohuć uźniknuć z-za niezakonnych sankcyj, najpierš Jeŭrasajuza — z ulikam zakryćcia pavietranaj prastory nad ES».
«U suviazi z hetym i niahledziačy na naša žadańnie, prezident u dadzienym mierapryjemstvie ŭziać udzieł nie zmoža. Razam z tym padkreślu: my całkam padzialajem nacelenaść prezidenta ZŠA i Rady miru na vyrašeńnie ŭsich suśvietnych kanfliktaŭ mirnym šlacham», — skazała Natalla Ejsmant.
Samit Rady miru maje prajści 19 lutaha ŭ Vašynhtonie. U Vašynhton ad Biełarusi palacić ministr zamiežnych spraŭ Maksim Ryžankoŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
Prosta pryhoža saskočyŭ, bajučysia, što ŭ štatach jaho aryštujuć.