29 červienia ŭ račnym porcie Viciebska adbyłasia znakavaja padzieja — na vadu spuścili novy techničny ciepłachod, jaki atrymaŭ imia «Dźvinsk». Ciepłachod staŭ prykładam taho, što pradpryjemstva «Viciebskvołtrans» zdolnaje nie tolki absłuhoŭvać i ramantavać techniku, ale i stvarać ułasnyja sudny, piša vydańnie «Vićbičy».
Prajekt, jak padkreślivajecca, raspracoŭvali z nula, dziakujučy zhurtavanaj pracy prafiesijanałaŭ.
Cyrymonija spusku prajšła ŭ ciopłaj atmaśfiery. Pa tradycyi ab nos karabla raźbili butelku šampanskaha, a jaje «rozačka» (rylca z korkam) była pieradadziena kapitanu Iharu Ivanavu — jana zastaniecca na borcie jak talisman.
Sudna pryznačana dla zabieśpiačeńnia biaśpieki sudnachodstva: jaho ekipaž budzie sačyć za hłybinioj raki, čyścić farvatar i absłuhoŭvać navihacyjnyja znaki. Ciepłachod abstalavany sučasnym abstalavańniem — na im ustanoŭlenyja hidramanipulatar, rechałot z vyvadam na kampjutar, stvoranyja kamfortnyja ŭmovy dla ekipaža: čatyry kajuty, kambuz, duš, aciapleńnie i bytavaja technika.
Imia «Dźvinsk» (heta raniejšaja nazva ciapierašniaha łatvijskaha horad Daŭhaŭpiłs) było vybrana nievypadkova. Novaje sudna nazvali tak u honar adnajmiennaha paravoha adnakołavaha ciepłachoda 1894 hoda vypusku, jaki pracavaŭ u Viciebskaj fłatylii, byŭ patopleny padčas vajny, ale paźniej uźniaty i adnoŭleny. Takim čynam, nazva novaha sudna, jak śćviardžajecca — heta i danina pavahi historyi.
Kapitan «Dźvinska» Ihar Ivanaŭ — vopytny śpiecyjalist, jaki pracuje ŭ sistemie ŭžo amal 40 hadoŭ. Jon budzie adkazvać za ŭčastak Dźviny ad Suraža da Staroha Siała.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary