Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»
Niahledziačy na šalonuju canu na tur, u kancy maja zastałasia svabodnaj usiaho adna kajuta.
U tyktoku abmiarkoŭvajuć, što ŭ Mazyry ŭžo bačyli ciepłachod «Biełaja Ruś». Letaś ceny na vodnyja tury na im pačynalisia ad 580 dalaraŭ za vosiem dzion adpačynku dla adnaho čałavieka. Šmat chto aburaŭsia ŭ kamientaryjach: maŭlaŭ, dzie b mieć takija zarobki za vosiem dzion.
«Biełaja Ruś» — pieršy i adziny kruizny ciepłachod u Biełarusi. Jon byŭ pabudavany ŭ 2016 hodzie na sudnabudaŭničym zavodzie ŭ Pinsku. Pryznačany dla kruizaŭ pa rekach Paleśsia, uklučajučy Dniaproŭska-Buhski kanał, Muchaviec, Pinu i Prypiać.
Daŭžynia sudna 50 mietraŭ, šyrynia 7 mietraŭ. Tut jość 16 kajut roznych katehoryj — ad ekanom da luks. Darečy, luksy nazvany ŭ honar Janki Kupały i Jakuba Kołasa.
Jość niekalki varyjantaŭ maršrutu pa rekach Paleśsia. Naprykład, 24 maja ciepłachod płyvie pa maršrucie Brest — Dubaje — Pinsk — Stachava — Kačanovičy — Pinsk — Kobryn — Brest.
I voś na hety tur zastałasia svabodnaj usiaho adnaho kajuta — luks. Jana abydziecca prykładna ŭ 4160 dalaraŭ. Heta cana dla dvuch turystaŭ — kali ty chočaš vandravać samastojna, usio roŭna pryjdziecca zapłacić stolki ž za adnamiesnaje raźmiaščeńnie.
U košt uvachodzić čatyrochrazovaje charčavańnie pa sistemie «ŭsio ŭklučana» (śniadanak, abied, pićcio harbaty dniom i viačera) i ałkaholnyja napoi (nie tolki ajčynnyja, ale i zamiežnyja). Taksama nie treba dapłačvać za ekskursii na maršrucie. Vaj-faj tearetyčna jość, ale ščyra papiaredžvajuć, što pracuje jon jak dzie.
Na turystyčnych sajtach abiacajuć: «Viečary — heta litaraturnyja sustrečy, dzie vy ŭlubiciesia ŭ falkłor roznych krain śvietu».
Samyja tannyja miescy na biełaruski kruiz pakul zastalisia na siaredzinu kastryčnika. Tam jašče možna zabraniravać ekanom-kajutu za 1490 dalaraŭ na dvaich.
Imavierna, raźličany tur u pieršuju čarhu na rasijan. Bo kruizy na «Biełaj Rusi» aktyŭna pradajuć rasijskija sajty — hramadzianam Biełarusi tam prapanoŭvajuć źnižki 5% (u hetym tekście ŭsie ceny paznačany ŭžo z ulikam jaje). Patencyjnych turystaŭ z susiedniaj krainy navat supakojvajuć: «Uvieś piersanał ruskamoŭny».
U žurnalista «Našaj Nivy» ŭsio ž atrymałasia znajści kruiz na kaniec maja na ciepłachodzie «Biełaja Ruś» u adnoj ź biełaruskich turfirm. Tam paćvierdzili: zastałasia adna luksavaja kajuta, jakaja kaštuje 13 730 rubloŭ na dvaich. Nie maje značeńnia, adpačyvajecie vy adzin abo z kimści — zapłacić daviadziecca ŭsiu sumu całkam.
Zdajecca, dziaŭčyna znajšła samaje instahramnaje miesca dla adpačynku ŭ Biełarusi. Ale košt hłempinhu nie dla słabaniervovych
Piać luksavych hatelaŭ Biełarusi, jakija znachodziacca ŭ nievialikich haradach. Vy dakładna pra ich nie viedali
Błohiery pažyli va ŭsich pałacach i zamkach Biełarusi i skłali svoj rejtynh z cenami
U sialanskaj chacie abo ŭ zamku. Dzie ŭ Biełarusi možna pažyć u histaryčnym budynku i kolki heta kaštuje?
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali6
Kamientary
Zatoje ŭsio pa-russski!
min $3,610 za 8 dzion i 7 načej, $4,610 za 9 dzion i 8 načej. Jość i bolej dzion, načej i $. Krasiva žyvuć amierykancy la Misisipi i biełarusy na našym Paleśsi.
Ja ŭ Ńju Jorku pakul što nie mahu sabie dazvolić takija tury ni ŭ RB, ni ŭ ZŠA.