Błohiery pažyli va ŭsich pałacach i zamkach Biełarusi i skłali svoj rejtynh z cenami
Błohiery, jakija viaduć tyktok-akaŭnt Belarus360, pieranačavali ŭ tych zamkach i pałacach Biełarusi, dzie heta mahčyma. Para skłała rejtynh i raspaviała pra plusy i minusy.
4 miesca: pałac Vałovičaŭ u Śviacku
— Tut raźmiaściŭsia nievialiki ŭtulny hatel. Pracuje restaran, vakoł pryhožaja terytoryja. Ale sam pałac jašče začynieny na rekanstrukcyju, tamu pahulać pa załach nie atrymajecca.
Za luks para zapłaciła 355 rubloŭ, śniadanki ŭvachodzili ŭ košt.
3 miesca: pałac Pusłoŭskich u Kosavie
— My žyli ŭ dvuchpakajovym numary ź vidam va ŭnutrany dvoryk. U pałacy jość restaran i muziej, ale pracujuć jany nie kožny dzień i dastatkova rana začyniajucca.
Kakoj iz etich otielej vy by postavili na piervoje miesto?
U košt pražyvańnia ŭvachodziać śniadanki, ale jany pakidajuć žadać lepšaha. Błohiery pakazali, što im padali zvyčajnyja mahazinnyja bliny z upakoŭki, jakija papiarednie razahreli.
Kaštavaŭ adpačynak u luksie kosaŭskaha pałacu 449 rubloŭ.
2 miesca: Niaśvižski zamak
— U nas byŭ vializny numar z pryhožym vidam i šykoŭnaj vannaj. Na ścienach — repradukcyi karcin z muzieja. Za dadatkovuju płatu možna zakazać ekskursiju pa kompleksie. Kala pałaca niekalki parkaŭ. Letam tut navat ładziać festy. Jość svoj restaran.
Adna noč u takim luksie, jaki arandavali błohiery, kaštuje 680 rubloŭ. Śniadanki ŭ hety košt nie ŭvachodziać.
1 miesca: Mirski zamak
— U nas byŭ dvuchuzroŭnievy numar ź vidam va ŭnutrany dvor. Muziej možna naviedać sa źnižkaj dla tych, chto pražyvaje ŭ hateli. U zamku jość restaran, a jašče sauna (jana apłačvajecca asobna). Pa vychodnych u dvoryku ładziać teatralizavanyja pakazy.
Za luks na dvaich bieź śniadankaŭ tyktokiery zapłacili 260 rubloŭ.
Dzie jašče možna pieranačavać tym, chto žadaje ździejśnić ekskurs u historyju? Voś niekalki dadatkovych varyjantaŭ — pačynajučy ad sialanskaj chaty.
Karaleŭskuju siadzibu Paniatoŭskaha ŭ Hrodnie pradajuć tańniej za staruju adnapakajoŭku
8 nahod naviedać samy maleńki horad Biełarusi
Źjavilisia ścieny i brama — hladzicie, jak źmianiŭsia Navahrudski zamak
Zamiest Pakistana — Čavusy: biełaruska, jakaja 2 hady adna padarožničaje pa śviecie, vyrašyła pieššu prajści pałovu Biełarusi
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary