Staršynia Homielskaha harvykankama Uładzimir Pryvałaŭ paviedamiŭ u svaim telehram-kanale, što ŭ abłasnym centry zapuścili račny tramvaj.
Prahułačny ciepłachod budzie chadzić z pryčału «Kijeŭski spusk» da centralnaha plaža, dzie ŭžo abstalavany novy pryčalny panton.
Heta značyć, što karablik prapłyvie pad zakrytym piešachodnym mostam. Adlehłaść pamiž pryčałami pa pramoj składaje pryblizna 500 mietraŭ. Čas u darozie — kala 10—15 chvilin.
Ciepłachod budzie vykonvać čatyry rejsy na dzień: u 10:00, 14:00, 17:00 i 20:00.
Košt prajezdu składaje 2 rubli ŭ adzin bok. Dla dziaciej da 7 hadoŭ, invalidaŭ I i II hrup, a taksama vieteranaŭ Vialikaj Ajčynnaj vajny prajezd biaspłatny.
Umiaščalnaść sudna — da 60 pasažyraŭ. U sałonie ŭstanoŭleny miakkija siadzieńni, a na karmie — novyja mietaličnyja.
Kamientary