Kamandzir čačenskaha śpiecnazu nazvaŭ žurnalistaŭ «pietuchami» i pakazaŭ, što nosić hadzińnik za 250 tysiač jeŭra
Kamandzir čačenskaha dobraachvotnickaha padraździaleńnia «Achmat» i adnačasova namieśnik kiraŭnika hałoŭnaha vajskova-palityčnaha ŭpraŭleńnia Uzbrojenych sił Rasii Apci Ałaŭdzinaŭ paviedamiŭ pra zatrymańnie čačenca, jaki raniej napaŭ na supracoŭnika rasijskaj vajskovaj palicyi ŭ Biełharadskaj vobłaści. Ale adnačasova nie ŭtrymaŭsia ad rezkich słoŭ na adras surazmoŭcaŭ i pakazaŭ, što vałodaje vielmi statusnaj rečču.
Dniami ŭ siecivie źjaviłasia videa, dzie čačenskija bajcy, jakich spyniła vajskovaja palicyja za parušeńnie pravił darožnaha ruchu, ubłytalisia ŭ bojku z palicejskimi. Adzin z tych, chto napaŭ, raniej pracavaŭ načalnikam achovy ŭ svajaka Ramzana Kadyrava.
Tłumačačy situacyju, Ałaŭdzinaŭ zajaviŭ, što čačeniec, jaki napaŭ na vajskovuju palicyju, nie maje dačynieńnia da jaho padraździaleńnia.
Jon zaklikaŭ nie źviazvać zdareńnie z nacyjanalnaściu zatrymanaha i rezka vykazaŭsia ŭ bok tych, chto patrabuje tłumačeńniaŭ: «Vy ŭsie — pietuchi».
Pavodle jaho słoŭ, niedarečna čakać kamientaroŭ pa hetym incydencie ad jaho, jak byccam jon hienieralny prakuror ci staršynia Śledčaha kamiteta, i niekarektna zvalvać usie złačynstvy na tuju ci inšuju nacyjanalnaść.
U toj ža čas vydańnie Astra zaŭvažyła, što na videa, dzie Ałaudzinaŭ vystupaje z zajavaj, na jaho ruce źjaviŭsia darahi šviejcarski hadzińnik Badollet, cana jakoha moža dasiahać ad 165 da 272 tysiač jeŭra. Na adnym kadry hadzińnik byŭ «zablurany», ale na inšym — dobra bačny.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary