U Maskvie siarod biełaha dnia na vačach palicyi kadyraŭcy vykrali čałavieka. Dzie jon ciapier, nichto nie viedaje
U samym centry Maskvy — na Jarasłaŭskim vakzale — siarod biełaha dnia nieviadomyja siłaj zapichnuli błohiera Areha Ščepichina ŭ bahažnik «miersiedesa» ź mihałkami i śpiecyjalnymi numarami. Paźniej mašynu spyniła palicyja, ale samoha Ščepichina tam užo nie było. Rasijskija ŭłady pakul aficyjna incydent nie kamientujuć.
U Maskvie na Jarasłaŭskim vakzale niekalki mužčyn siłaj pavałakli 40-hadovaha błohiera Areha Ščepichina praz budynak i zapchnuli jaho ŭ bahažnik čornaha «miersiedesa» ź mihałkaj i numarami sieryi AMR (takija časta vykarystoŭvajucca siłavikami).
Mužčyna, jakoha nieśli, kryčaŭ i klikaŭ na dapamohu palicyju.
Vidavočcy fiksavali ŭsio na videa, ale nie pieraškadžali. Palicyja, choć i prysutničała, u situacyju taksama nie ŭmiašałasia.
«Baza» paviedamlaje, što Ščepichin raniej vykładvaŭ u sieciva roliki, u jakich abražaŭ musulman i čačencaŭ, u pryvatnaści. Miarkujecca, što heta i stała pryčynaj «zatrymańnia».
Kanał «VČK-OHPU» vykazvaje mierkavańnie, što chutka aficyjna abjaviać, što heta było nie «vykradańnie», a «apieratyŭnaje zatrymańnie» čačenskimi palicyjantami pa padazreńni ŭ raspalvańni varožaści.
Mašyny, što fihurujuć na videa, źviazanyja ź blizkim kołam Kadyrava.
Paśla spynieńnia aŭtamabila na Kijeŭskaj šašy palicyja zatrymała dvuch asobaŭ, ale Ščepichina ŭ sałonie ŭžo nie było. Jahony los — nieviadomy.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
[Zredahavana]